Ruth Barcan Marcus
| Ruth Barcan Marcus | |
|---|---|
 | |
| Persónulegar upplýsingar | |
| Fædd | 2. ágúst 1921 |
| Svæði | Vestræn heimspeki |
| Tímabil | Heimspeki 20. aldar, Heimspeki 21. aldar |
| Skóli/hefð | Rökgreiningarheimspeki |
| Helstu ritverk | „A Functional Calculus of First Order Based on Strict Implication“ (1946), „The Deduction Theorem in a Functional Calculus of First Order Based on Strict Implication“ (1946), „The Identity of Individuals in a Strict Functional Calculus of Second Order“ (1947) |
| Helstu kenningar | „A Functional Calculus of First Order Based on Strict Implication“ (1946), „The Deduction Theorem in a Functional Calculus of First Order Based on Strict Implication“ (1946), „The Identity of Individuals in a Strict Functional Calculus of Second Order“ (1947) |
| Helstu viðfangsefni | málspeki, rökfræði, siðfræði |
Ruth Barcan Marcus (fædd 2. ágúst 1921 í Bronx í New York-borg, dáin 19. febrúar 2012) var bandarískur heimspekingur og rökfræðingur, sem Barcan-formúlan er kennd við. Hún var frumkvöðull í háttarökfræði og málspeki. Hún ritaði einnig áhrifamiklar greinar um eðlishyggju, skoðanir og siðferðilegan ágreining.
Starfsferill
[breyta | breyta frumkóða]Marcus hlaut B.A.-gráðu í heimspeki frá New York University árið 1941. Þaðan hélt hún til Yale-háskóla í framhaldsnám og hlaut M.A.-gráðu þaðan árið 1942 og doktorsgráðu árið 1946.
Marcus gegndi stöðu prófessors og deildarforseta við heimspekideild Illinois-háskóla í Chicago á árunum 1962 – 1970. Hún var prófessor í heimspeki við Northwestern-háskóla 1970 – 1973 og Halleck-prófessor í heimspeki við Yale-háskóla 1973 – 1991. Frá 1992 var hún prófessor emerita og sérfræðingur við Yale-háskóla. Hún var einnig reglulegur gistiprófessor í heimspeki við Kaliforníuháskóla í Irvine.
Marcus sat í framkvæmdarnefnd Samtaka bandarískra heimspekinga (1976 – 83), var forseti samtakanna Association for Symbolic Logic (1983 – 86) og forseti og heiðursforseti Alþjóðlegu heimspekistofnunarinnar (1989 – 92).
Helstu ritverk
[breyta | breyta frumkóða]- Modalities: Philosophical Essays, (Oxford University Press, 1993).
Ritstjórn
[breyta | breyta frumkóða]- The Logical Enterprise, ásamt A. Anderson og R. Martin (1995)
- Logic, Methodology and Philosophy of Science (1986)
