Skútustaðahreppur

Byggðamerki fyrrum Skútustaðahrepps.

Skútustaðahreppur

Skútustaðahreppur var sveitarfélag í Suður-Þingeyjarsýslu frá fornu fari sem nú hefur sameinast Þingeyjarsveit. Byggð þar var nánast öll í Mývatnssveit, þar á meðal þorpið Reykjahlíð en mikill meirihluti hins víðfeðma sveitarfélags var í óbyggðum og náði það upp á miðjan Vatnajökul.

Í atkvæðagreiðslu 5. júní 2021 samþykktu íbúar hreppsins sameiningu við Þingeyjarsveit með 67,7% greiddra atkvæða.^[1] Sameiningin tók gildi í kjölfar sveitarstjórnarkosninga 2022 og var ákveðið á fyrsta fundi nýkjörinnar sveitarstjórnar að hið sameinaða sveitarfélag skyldi bera heitið Þingeyjarsveit.

Heimildir

1. „Skútustaðahreppur og Þingeyjarsveit sameinast“ - Vikublaðið, 7. júní 2021.

Tengill

• Heimasíða Skútustaðahrepps Geymt 13 ágúst 2020 í Wayback Machine