Almost Christmas | |
---|---|
Barkas:Almost Christmas (film).png | |
Disutradarani | David E. Talbert |
Diprodhuseri |
|
Ditulis déning | David E. Talbert |
Dibintangi | |
Dimusiki | John Paesano |
Sinématografi | Larry Blanford |
Dibesut déning | Troy Takaki |
Perusahaan prodhuksi | |
Dibabar déning | Universal Pictures |
Tanggal metu |
|
Suwéné | 111 minutes[1] |
Nagara | United States |
Basa | Inggris |
Rantaman | $17 million[2][3] |
Kalarisan | $38.8 million[3] |
Almost Christmas nggh punika filem drama komedhi Amérikah Sarékat ingkang kadamel taun 2016, kaanggit lan kaarahaken déning David E. Talbert. Wondéné ing sami maragani filem punika antawisipun Kimberly Elise, Mo'Nique, Nicole Ari Parker, Gabrielle Union, Keri Hilson, Jessie Usher, Danny Glover, Omar Epps, John Michael Higgins lan Romany Malco. Filem punika nyariyosaken babagan keluwargi ingkang mboten rukun, plesiran sesarengan ingkang kaping pisan, awit sénanipun sang ibu.[4][5][6][7]
Pamundhutan gambar filem punika kawiwitan ing surya 2 November 2015 wonten Atlanta, Georgia. Almost Christmas kaping pisan dipun puter ing Los Angeles surya 3 November 2016 lan kababar kagem sagung masyarakat Amérikah Sarékat wonten ing surya 11 November 2016 déning Universal Pictures. Filem ingkang ngasilaken arta langkung saking $38 yuta, punika pikantuk manéka pamuji lan kritik saking para kritikus filem.[8][9][10][11][12][13]
Walter (dipun paragani déning Danny Glover) punika pensiunan pekerja automotif ingkang kelangan éstrinipun. (Rachel Kylian), setunggal taun sadèrèngipun. Wonten dinten plesiran, piyambakipun nimbali sekawan putranipun ingkang sampun ngancik dhiwasa ugi sagung kaluwargi wonten griyanipun saperlu ngawontenaken pengetan tradhisional. Walter ingkang sèkèng mangertosi, puterinipun Rachel (Gabrielle Union) lan Cheryl (Kimberly Elise) sarta rayi jaleripun, Christian (Romany Malco) lan Evan (Jessie Usher) menawi pikantuk wekdal gangsal dinten sareng wonten griya ingkang sami, punika badhe ndadosaken pengetan Natal ingkang ngédab-édabi. Sasampunipun para putra-putri sami dugi, Walter mujudaken setunggalipun pengetan natal sinaosa mboten wonten sémahipun ingkang sadèrngipun sampun séda. Putranipun ingkang mbarep, Christian ingkang saweg ngawontenaken kampanye minangkani saget mlebet dados anggota legislatif, lan nggadhahi gegayuhan saget kempal kaliyan sagung kaluwargi. Christian kesah tebih saperlu nimbali para manajer kampanye, dados piyambakipun saget ngrampungaken pedamelanipun. Cheryl, setunggalipun dhokter lan putri mbarep dugi saperlu plesiran kaliyan sémahipun, Lonnie, pemain basket kawentar ingkang asring tandhing wonten manca negari, Croasia. Rachel ngupados maringi dhukungan dhumateng piyambakipun lan para putrinipun ingkang saweg badhé pegatan, kangmangka ugi saweg kuliyah wonten pawiyatan inggil ing Fakultas Hukum. Evan nggih punika pemain bal-balan ingkang tembé kemawon manton saking cidra ing pundhakipun. Nanging, nalika pelatihipun nimbali malih, piyambakipun malah ngadhepi prakawis babagan obat antinyeri.