Awar-awar

Awar-awar
Awar-awar, Ficus septica
ing Darmaga, Bogor
Klasifikasi ngèlmiah
Karajan: Plantae
Unranked: Angiospermae
Unranked: Eudikotil
Unranked: Rosidae
Ordho: Rosales
Famili: Moraceae
Génus: Ficus
Subgénus: Sycomorus
Spésies: F. septica
Jeneng binomial
Ficus septica
Burm.f., 1768[1]
Sinonim

Awar-Awar (Ficus septica) ya iku jenis tuwuhan kang kalebu sedulur saka wit ringin, anggota suku Moraceae. Wit kang rupa grumbul iki umum ditemokaké ing gegrumbulan utawa ing panggonan kan ora kerumat, ing kabéh laladan Malësia kajaba ing Semenanjung Melayu. Dhadhak kang ana ing oyot, pang, godhong lan woh iku digunakaké kanggo nambani keracunan lan lara weteng. Jeneng-jeneng saka dhaérah liya antarané awar-awar (Bl.); bar-abar (Md.); ki ciyat (Sd.); suruh bill (Amb.); dausalo (Bug.); tobo-tobo (Mak.); tagalolo (Minh., Ternate); bobulutu (Gal.).[2]

Wedharan

[besut | besut sumber]
Pupus karo godhong angkup

Wit grumbul biasané dhuwuré 1-5 m, ing alas bisa nganti 25 m[3]. Pang lan rèncèk bunder gilig, nggronggong lan tanpa lugut/ri. Nalika ditatoni metu tlutuh kuning nom utawa bening.[4]

Godhong angkup ing pupus gedhé. Mapané godhong ing pang sesalng-seling utawa adhep-adhepan, gagangé 2.5–5 cm. Lembaran godhong gedhé lonjong ukuran 9-30 × 9–16 cm, pok-é bunder lan pucuké papak, pinggiré rata lan balungané putih pucet.

Woh awar-awar dadi pangan kanggo 22 spésiès  kéwan, 14 antarané lawa. Lawa-lawa sing sing panganané woh utawa codot (Megachiroptera) uga dadi mitra nyebaraké winih tuwuhan iki menyang papan liya.[5] "

Rujukan

[besut | besut sumber]
  1. ↑  Austria 1768. Flora Indica: cui accedit series zoophytorum Indicorum, nec non prodromus florae Capensis: 226. Amstelaedami :Apud Johannem Schreuderum ;1768.
  2. ↑ Heyne, K.. 1987. Tumbuhan Berguna Indonesia II: 695-6. Badan Litbang Kehutanan, Departemen Kehutanan. Jakarta. (versi berbahasa Belanda -1916- 2:68-9; sebagai Ficus leucantatoma Poir.)
  3. ↑ Berg, C.C. & Corner E.J.H. (2005). "Moraceae". Flora Malesiana. I. Vol. 17. ISBN 1-930723-40-7.
  4. ↑ van Steenis, C.G.G.J. 1981. Flora, untuk sekolah di Indonesia. PT Pradnya Paramita. Jakarta. Hal. 177.
  5. ↑ Shanahan, M.; Compton, S. G.; So, S. & Corlett, R. (2001). "Fig-eating by vertebrate frugivores: a global review" (PDF). Biological Reviews. 76 (4): 529–72. doi:10.1017/S1464793101005760. PMID 11762492. Diarsip saka sing asli (PDF) ing 2009-10-26. Dibukak ing 2018-02-07.{{cite journal}}: CS1 maint: multiple names: authors list (link)