Ayam Taliwang
 Ayam obong khas Taliwang | |
| Panggonan asal | Nusa Tenggara Kulon |
|---|---|
| Tlatah utawa praja | Lombok |
| Woworan pokok | Daging pitik |
 Buku masakan: Ayam Taliwang  Médhia: Ayam Taliwang | |
Ayam Taliwang ya iku panganan khas Lombok, Nusa Tenggara Kulon kang bahan dhasaré pitik.[1] Ciri khas saka panganan iki ya iku rasané kang pedhes.[2] Kang mbedakake ayam taliwang saka menu ayam liyané ya iku pitik kang dianggo ya iku pitik kampung enom (lancur) kang umuré 3-5 sasi.[1] Carane masak bisa nganggo cara dibakar utawa digoreng. Padatan ayam taliwang disuguhake karo panganan liyané kaya ta plecing kangkung, tahu gorèng, sambel terong bakar, irisan timun, lan ès degan.[2]
Sajarah
[besut | besut sumber]Ayam Taliwang iki asalé saka kampung Karang Taliwang, Kalurahan Cakra Utara, Cakranegara, Mataram, Nusa Tenggara Kulon.[3] Cacahing warga ing kampung iki 3.309 wong utawa 729 kulawarga.[3] Resep Ayam Taliwang digawé déning swargi H. Moerad lan bojone Salmah.[3] Awit saka iku, kena diarani restoran wiwitan kang ngedol menu ayam Taliwang iki restoran Ayam Taliwang Haji Moerad.[4] Taun 1965, H. Moerad ngrintis usaha ayam taliwang. Wiwit taun iku panganan khas iki dikenal déning bebrayan agung.[4] Panganan ayam taliwang saiki wis sumebar ing kutha-kutha liya. Ing kutha Mataram, warung-warung kang dodol menu iki jinejeran ing saben pojok kutha wiwit saka Sweta, Cakranegara, nganti tekan kutha tuwa Ampenan.[2]
Cathetan suku
[besut | besut sumber]- ↑ a b Ayam Taliwang Pesona Kuliner Pulau Lombok Archived 2011-09-10 at the Wayback Machine.(16 Agustus 2011)
- ↑ a b c Masakan Khas Ayam Taliwang Lombok (16 Agustus 20110
- ↑ a b c Ayam Taliwang Khas Lombok[pranala mati permanèn](16 Agustus 2011)
- ↑ a b Ini Dia Restoran Ayam Taliwang Pertama di Indonésia(16 Agustus 2011)
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |