Bom mobil Aleppo 2017

2017 Aleppo suicide car bombing
Péranganing the Syrian Civil War
PernahRashideen district west of Aleppo, Syria
Tanggal15 April 2017
GamansCar bomb
Pepati126+[1]
Tatu tan fatal
55+
Sing nindakakéUnknown

Tanggal 15 April 2017, sawijiné bom mobil mbledhos ora adoh saka iring-iringan bis ing wewengkon al-Rashideen, sisih kuloné Aleppo, Suriah. Bis-bis iku mau ngangkud para pengungsi saka kutha-kutha kang dikuwasani déning pamaréntah ya iku al-Fu'ah lan Kafriya kang dijaga déning wong ngraman.[2] Bom iku agawé patiné wong 126[3] ing antarané ana bocah-bocah cacah 68.[4]

Bis sing ngangkud para pengungsi iku mau pangejawantahané sapérangan rembugan kang ditengahi déning pamaréntah Suriah, Iran, lan Qatar (minangka sulih sarirane para ngraman), lan kaleksanan déning Bulan Sabit Abang Suriah Arab.[5] Wondéné kasile rerembugan ngangkud pengungsi mau, masarakat Singah Al-Fu'ah lan Kafriya, kang disokong déning pamaréntah Suriah[6] lan dikepung déning pejuang kaum Sunni, arep diangkud mara ing Aleppo.[5] Minangka imbalané, warga Madaya lan Al-Zabadani, sing akèh-akèhé pandhèrèk Sunni nyokong lawané pamaréntah, arep diangkud mara ing provinsi Idlib.[5]

Paledhakan

[besut | besut sumber]

Serangan bom iku kadadéan ana ing dhistrik Rashideen, sisih kuloné kutha Aleppo, antarané tabuh 15:30 wayah saenggon.[7] Miturut para pawarta, bom mau didèlèhaké ana ing sajeroning mobil kang diparkir ora adoh saka panggonané wong-wong lagi nampa jatah tetedhan, ora adoh saka iring-iringan bis kang mandheg ing gerbang pamriksan kanggo ngangkud para pengungsi kang ketaton.[7][8]

Pawarta wiwitan mratèlaké yèn mung lusinan warga kang kaprajaya,[9] nanging banjur ana pawarta anyar sing surasané ana tambahan kurban tiwas cacahé ana satus nem likur, ing dina sabanjuré, iku mau miturut Observatori Suriah kanggo Hak Asasi Manungsa.[7] Dikandhakaké déné kurban cacah satus sanga sing tiwas iku pengungsi, kalebu bocah-bocah cacah 68, lan liyané ya iku para ngraman sarta para sukarilawan.[7] Juru wicara kelompok wong ngraman, Ahrar al-Sham mratèlake yèn udakara telung puluh anggotané uga kaprajaya.[10] Miturut kelompok sipil White Helmets, sèket lima wong ngalami ketaton.[11]

Ingkang maragani

[besut | besut sumber]

Idhèntitas paraga nganti tumeka saiki durung dingertèni. Miturut setasiyun-setasiyun télévisi ing Suriah, warga sipil saka Fuaa lan Kafriya nyokong pamaréntah salawasé kutha-kutha padha dikepung, lan para ngraman kudu tanggung jawab mbledhosé bom iku mau. Nanging miturut aktivis lawané pamaréntah, mbledhosé bom iku bokmenawa malah pamaréntah dhéwé sing ngecakaké kanggo ngalihaké kawigatèné Serangan kimia Khan Shaykhun.[12]

Tumanggap

[besut | besut sumber]
  •  PBB - Sekretaris Jendral PBB António Guterres nyuwun supaya kabèh pihak njamin katentreman warga kang lagi ngentèni saperlu diangkud, lan sapa waé sing ngecakake mbledhosé bom mau kudu tanggung jawab, sarta bakal disèrèt ing pangadilan.[13]
  •   Tahta Suci – Paus Fransiskus ngecam paledhakan kang kadadéan minangkani pengetan Ngahad Paskah.
  •  Iran - Juru bicara Kementrian Luar Negeri, Bahram Qassem uga ngipat serangan kuwi.[14]
  •  Turki - Mantri Luar Negeri Turki ngendika yèn serangan kuwi "mratandhani supaya prajanjèn gencatan senjata prelu dikukuhaké".[15]

Uga delengen

[besut | besut sumber]

Rujukan

[besut | besut sumber]
  1. ↑ "Syria evacuees bomb attack death toll rises to 112: monitor". AFP. 16 April 2017.
  2. ↑ "Syria war: Huge bomb kills dozens of evacuees in Syria". BBC News (ing basa Inggris Karajan Manunggal). 15 April 2017. Dibukak ing 15 April 2017.
  3. ↑ "Death toll from Aleppo bus convoy bomb attack at least 126: Observatory". Reuters. 2017-04-16. Dibukak ing 2017-04-16.
  4. ↑ "Syria war: 'At least 68 children among 126 killed' in bus bombing". BBC News (ing basa Inggris Karajan Manunggal). 2017-04-17. Dibukak ing 2017-04-17.
  5. ↑ a b c "More Than 7,000 People Evacuated From 4 Besieged Syrian Towns". The New York Times. 14 April 2017. Dibukak ing 16 April 2017.
  6. ↑ al-Kurdi, Anas. "Syrian regime forces 'lost stomach to retake Idlib'". alaraby.co.uk. Dibukak ing 17 April 2017.
  7. ↑ a b c d "Syria war: 'At least 68 children among 126 killed' in bus bombing". BBC News Online. 16 April 2017. Dibukak ing 16 April 2017.
  8. ↑ "Aleppo blast: Syrian evacuation convoy targeted". Al-Jazeera. 16 April 2017. Dibukak ing 16 April 2017.
  9. ↑ "Dozens Killed as Blast Strikes Convoy Carrying Evacuated Syrians". The New York Times. 15 April 2017. Dibukak ing 17 April 2017.
  10. ↑ El Deeb, Sarah; Issa, Philip. "Over 100 killed during Syria's troubled population transfer". stltoday.[pranala mati permanèn]
  11. ↑ "Syria: 126 killed as bomb hits buses with evacuees, group says". CNN. 16 April 2017. Dibukak ing 17 April 2017.
  12. ↑ Sanchez, Raf. "Dozens killed as suicide bomber hits convoy of civilians evacuating besieged Syrian towns". Telegraph. Dibukak ing 15 April 2017.
  13. ↑ Graham-Harrison, Emma; Damien Gayle, Damien. "Deadly Aleppo suicide attack kills 100 in evacuation operation". The Guardian. Dibukak ing 16 April 2017.
  14. ↑ "PressTV-Iran slams deadly bus attack in Syria". Dibukak ing 2017-04-17.
  15. ↑ "Turkey condemns deadly attack near Syria's Aleppo". Daily Sabah. 17 April 2017. Dibukak ing 17 April 2017.