Chanpurū

Somen chanpuru (Sōmen gorenge wong Okinawa

Chanpurū (チャンプルー, Chanpurū^?) ya iku panganan kas Okinawa^[1][2] wujud gongso janganan nganggo endhog pitik, tahu, utawa asring ditambah daging babi kaleng (spam). Bumbune uyah, kecap asin, lan mrica sithik. Sawijining panganan chanpurū kang paling misuwur ya iku Gōyā Chanpurū (orak-arik paré). Ing basa Ryukyu, "chanpuru" tegesé "campur bawur".

Janganan kang padatan bisa dimasak dadi chanpurū ya iku paré, kul, bawang bombay, wortel, shiitake, tauge, lan kucai. Sōmen lan tahu uga kerep dadi bahan pokoke chanpurū. Masak chanpurū ora mbutuhake uyah lan kecap asin manèh yèn wis nganggo daging babi kaleng amarga rasané wis asin.

Ana manéka warna carita ngenani asl-usul jeneng panganan iki. Ana panemu bilih tembung "chanpurū" asalé saka tembung "campur" basa Indonesia.^[3] Sanajan kaya mangkono, tetembungan basa Jepang uga ngenal tembung "champon" kang tegesé "nyampur" utawa "masakan campur bawur".^[4] Ing basa Mandarin, "chān" (摻) uga tegesé "nyampur".

Wong Okinawa bombong karo budaya Ryukyu kang campur bawur karo kabudayan manca saka Asia Tenggara, Cina, lan Amérika. Budaya Okinawa kerep diarani budaya chanpurū (chanpurū bunka) déning wong Okinawa.

Réferènsi

1. "ちゃんぷるー" [Chanpuru]. Dijitaru Daijisen (in Japanese). Tokyo: Shogakukan. 2012. OCLC 56431036. Archived from the original on 2007-08-25. Retrieved 2012-12-17.
2. "ちゃんぷるー" [Chanpuru]. Nihon Daihyakka Zensho (Nipponika) (in Japanese). Tokyo: Shogakukan. 2012. OCLC 153301537. Archived from the original on 2007-08-25. Retrieved 2012-12-17.
3. "Chanpurū shokubunka". Doraku asahi.com. Dibukak ing 12 Januari 2008.
4. Sanseidō kokugo jiten (édhisi ka-Ed.3). Sanseidō. 1982. ISBN 4-385-13187-2.

Pranala njaba

Wikimedia Commons duwé médhia ngenani Champru.

• Budaya kuliner Okinawa
• Resep chanpurū peria
• (ing basa Jepang) Foto maneka warna masakan chanpurū