Gatot Soebroto

Bab papan anggegana di Baturaja, Sumatera Selatan, wacanen Papan Anggegana Gatot Subroto.
Gatot Subroto
Barkas:Gatot Soebroto 1969 Indonésia stamp.jpg
Lair(1907-10-10)10 Oktober 1907
Banyumas, Jawa Tengah
PatiJuni 11, 1962(1962-06-11) (umur 54)
Jakarta, Indonésia
PakaryanMiliter, Jendral
Kondhang ingPahlawan Nasional Indonésia

Jenderal Gatot Soebroto (lair ing Banyumas, Jawa Tengah, 10 Oktober 1907– kapundhut ing Jakarta, 11 Juni 1962 nalika umur 54 taun) iku tokoh perjuangan militèr Indonésia.[1] Dhèwèké uga merjuangake kamardikan Indonésia.[1] Jenderal Gatot Soebroto disarekake ing Ungaran, Kabupatèn Semarang.[1] Nalika taun 1962, Soebroto dianugrahi gelar Pahlawan Kamardikan Nasional miturut SK Présidhèn RI No.222 tanggal 18 Juni 1962.[1] Dhèwèké uga bapak angkaté Bob Hasan, salah sijiné pengusaha kang misuwur lan tau dadi mantri ing jaman Soeharto.[1]

Nalika SD ing HIS, dhèwèké ora nerusaké ing sekolah kang luwih dhuwur, nanging dhèwèké milih kerja. Nanging nalika taun 1923 dhèwèké lumebu sekolah militèr KNIL ing Magelang.[2] Bubar Jepang nguwasani Indonésia, Banjur Gatot Subroto sekolah manèh ing PETA kang ana ing Bogor.[2] Nalika wis merdheka, Gatot Subroto milih lumebu Tentara Keamanan Rakyat (TKR) lan dhèwèké diangkat dadi Panglima Divisi II, Panglima Corps Pulisi Militer, lan Gubernur Militer Laladan Surakarta lan kiwa tengene.[2]

Sabubare mèlu perang kamardikan, ing taun 1949 Gatot Subroto diangkat dadi Panglima Tentara & Teritorium (T&T) IV I Diponegoro.[2]

Nalika taun 1953, dhèwèké mundur saka dinas militèr, nanging telung taun sabubaré mundur, dhèwèké diangkat dadi Wakil Kepala Staf Angkatan Darat (Wakasad).[2]

Cathetan suku

[besut | besut sumber]
  1. ↑ a b c d e "www.jakarta.go.id". Diarsip saka sing asli ing 2011-06-10. Dibukak ing 2011-07-18.
  2. ↑ a b c d e m.kidnesia.com