Indèks Rega Saham Gabungan

Indèks Rega Saham Gabungan (Basa Indonesia: Indeks Harga Saham Gabungan, dicekak IHSG, sajeroning Basa Inggris karan uga Jakarta Composite Index, JCI, utawa JSX Composite) iku salah siji indèks pasar saham kang dipigunakaké déning Bursa Èfèk Indonesia (BEI; biyèn Bursa Èfèk Jakarta (BEJ)). Dikenalaké sepisanan ing tanggal 1 April 1983, minangka indikator perobahan rega saham ing BEJ, Indeks iki nyakup perobahan rega Kabèh saham biyasa lan saham preferen kang kacathet ing BEI. Dina Dhasar kanggo pétungan IHSG yaiku tanggal 10 Agustus 1982. Ing tanggal mau, Indeks dikukuhaké kanthi Aji Dhasar 100 lan saham kacathet wektu iku caché 13 saham.[1]

Ing tanggal 10 Oktober 2008, posisi paling dhuwur kang tau digayuh IHSG yaiku 2.830,26 poin kang kacathet tanggal 9 Januari 2008.[2]

Metode pétungan

[besut | besut sumber]

Dhasar pétungan IHSG yaiku gunggung Aji Pasar saka total saham kang kacathet ing tanggal 10 Agustus 1982. Gunggung Aji Pasar yaiku total ping-pingan saben saham kacathet (kajaba kanggo prusahaan kang ana ing sajeroning program restrukturisasi) karo rega ing BEJ ing dina mau. Formula pétungané yaiku kaya kacetha ing ngisor iki:

yaiku p = Rerga Panutupan ing Pasar Reguler,x = Gunggung Saham, lan d = Aji Dhasar.

Pétungan Indèks makili perobahan rega saham ing pasar/bursa kang dumadi liwat sistem perdagangan lélang. Aji Dhasar bakal disesuaikaké kanthi rikat yèn ana owah-owahan modal emiten utawa ana faktor liya kang ora kagandhèng karo rega saham. Panyesuaian bakal diayahi yèn ana tambahan emiten anyar, HMETD (right issue), partial/company listing, waran lan obligasi konversi semana uga delisting. Yèn kapinujon ana stock split, dividen saham utawa saham bonus, Aji Dhasar ora disesuaikaké amarga Aji Pasar ora kena prabawa. Rega saham kang dipigunakaké sajeroning ngitung IHSG yaiku rega saham ing pasar reguler kang didhasaraké marang rega kang dumadi dhedhasar sistem lélang.[1]

Pétungan IHSG dianakaké saben dina, yaiku sawisé panutupan perdagangan saben dinané. Ing mangsa ngarep, pétungan IHSG bakal bisa diayahi luwih kerep utawa malah bisa saben sawatara menit, bab iki bisa kaleksanan sawisé sistem perdagangan otomasi diimplementasèkaké kanthi apik.[1]

Indèks BEJ liyané

[besut | besut sumber]

Ana sawatara indèks saham liyané kang dadi bagýan saka IHSG, ing antarané yaiku:

  1. Indèks Sèktoral
  2. Indèks LQ45
  3. Jakarta Islamic Index (JII)[1]
  4. Kompas 100

Komponèn IHSG

[besut | besut sumber]

PirsaniKomponèn Indèks Harga Saham Gabungan

Réferènsi

[besut | besut sumber]
  1. ↑ a b c d "Indeks Harga Saham BEJ". Diarsip saka sing asli ing 2007-03-10. Dibukak ing 2009-07-18.
  2. ↑ "Investor Panik, Perdagangan Dihentikan" Archived 2009-05-09 at the Wayback Machine., Kompas, 9 Oktober 2008

Uga delengen

[besut | besut sumber]