Kabupatèn Demak

Demak كَبُڤَتَينْ دٚمَكْ ꦑꦧꦸꦥꦠꦺꦤ꧀ꦢꦼꦩꦏ꧀
Kabupatèn
Lambang
Sesanti: Demak BERAMAL (Bersih, Elok, Rapi, Anggun, Maju, Aman, dan Lestari)
Pernahé Demak ing Jawa Tengah
Nagara	Indonésia
Provinsi	Jawa Tengah
Dina Dadi	28 Maret 1503
Kutha krajan	Demak
Pamaréntahan
• Bupati	Drs. H.M. Natsir, S.H., M.Si.
Laladan
• Gunggung	897,43 km^2 (34,650 sq mi)
Cacah warga (Sensus 2010)
• Gunggung	1,055,579
• Pepadhet	0/km^2 (00/sq mi)
Bebrayan
• Wong	Jawa, Arab, Cina lan liya-liya
• Basa	Jawa lan Indonesia
• Kepercayan	Islam, Kristen Protestan, Katulik, Hindu, Buddha
Zona wektu	WIK (UTC+7)
Kodhe laladan	(+62) 291
Situs wèb	www.demakkab.go.id (ing basa Indonésia)

Kabupatèn Demak (Carakan: ꦑꦧꦸꦥꦠꦺꦤ꧀ꦢꦼꦩꦏ꧀, Pegon: كَبُڤَتَينْ دٚمَكْ), iku kabupatèn ing Jawa Tengah, pernahé ing sisih wétan, kutha Demak iku kutha krajan kabupatèné, kutha-kutha liyané:, lan liya-liyané. Jembar wewengkon kabupatèn iki ± 897.43 km2 utawa hèktar.

ing sisih lor karo:	Kabupatèn Jepara lan Sagara Jawa
ing sisih kidul karo:	Kabupatèn Grobogan lan Kutha Semarang
ing sisih kulon karo:	Kutha Semarang
ing sisih wétan karo:	Kabupatèn Kudus lan Kabupatèn Grobogan

Sajarah

Kurang luwih 6 (enem) abad kapungkur, miturut papan géografisé, kawasan sing ajeneng Demak nyatané ora dumunung ing pedalaman sing leté luwih kurang 30 km saka pasisir Sagara Jawa kaya sing ana wektu saiki. Kawasan mau ing wektu semana dumunung ing cedhak Kali Tuntang sing sumberé asal saka Rawa Pening. Géografi kasajarahan ngenani kawasan Demak bisa uga diwaca ing buku Dames, sing judhuél “The Soil of East Central Java” (1955). Sajeroning buku mau dijelasaké yèn Demak biyèn dumunung ing pinggir sagara, utawa luwih persis ana ing gisiking Selat Silugangga sing misahaké Pulo Muria karo Jawa Tengah. Ngenani ékologi Demak, DR.H.J. De Graaf uga nulis yèn dunungé Demak cukup nguntungaké tumrap kagiyatan dedagangan lan tetanèn. Bab iki amarga selat sing ana ing ngarepé cukup amba saéngga prau saka Semarang sing arep tumuju Rembang bisa lelayaran kanthi bébas liwat Demak. Nanging sawisé abad XVII Selat Muria wis ora bisa dilayari manèh amarga tansaya cethèk.

Tanggal 28 Maret 1503 dikukuhaké minangka dina dadi Kabupatèn Demak. Bab iki tegesé prastawa penobatan Radèn Patah dadi Sultan Bintara ing tanggal 12 Rabiulawal utawa 12 Mulud Taun 1425 Saka (dikonversi dadi 28 Maret 1503).

Géografi

Kabupatèn Demak dumunung antarané 6043’ 26” – 70 09’ 43” LS, lan 1100 48’ 47” BT, kanthi tapel wates wewengkon: • Sisih lor: Kabupatèn Jepara lan Sagara Jawa • Sisih wétan: Kabupatèn Kudus lan Kabupatèn Grobongan • Sisih kidul: Kabupatèn Grobogan lan Kutha Semarang • Sisih kulon: Kutha Semarang

Jembar Wewengkon Kabupatèn Demak yaiku 88.743 ha, déné jembar sagara 252,34 ha. Jembar kemiringan lahan: wujud dhataran: 0 – 2%, jembaré: 88.765 ha, gelombang (2 – 15%) 834 ha, curam (15 – 40%) jembaré: 408 ha, sarta curam banget (>40%) jembaré:136 ha.

Dideleng saka lumahing sagara (elevasi), wewengkon Demak dumunung wiwit saka 0 m nganti 100 m saka lumahing sagara. Déné dideleng saka tekstur lemahé, wewengkon Kabupatèn Demak dumadi saka tekstur lemah alus (liat) jembaré 49.066 ha lan tekstur lemah sedheng (lempung) jembaré 40.677 ha.

Sacara administrasi, jembar wewengkon Kabupatèn Demak yaiku 89.743 ha, dumadi saka 14 kacamatan, 243 désa lan 6 kalurahan. Minangka laladan agraris sing akèh-akèhé sing ndunungi urip saka tetanèn, sapérangan gedhé wewengkon Kabupatèn Demak dumadi saka lahan sawah sing jembaré nganti 48.947 ha, lan saluwihé yaiku wujud lahan garing. Miturut panggunaané sapérangan gedhé lahan sawah sing dipigunakaké aripa lahan pengairan tèknis 40,40%, tadhah udan (33,22%) lan setengah tèknis 12,85%. Déné lahan garing 35,395 dipigunakaké kanggo tegal kebun, 29,56% kanggo yasan lan pekarangan, sarta 18,90 kanggo tambak.

Papréntahan

Kabupatèn Demak ketata saking 14 kacamatan, kalurahan lan désa. Kacamatan-Kacamatan ing Kabupatèn Demak yaiku:

• Mranggèn
• Karangawèn
• Guntur
• Sayung
• Karangtengah
• Wanasalam
• Dhèmpèt
• Gajah
• Karanganyar
• Mijèn
• Demak
• Bonang
• Wedhung
• Kebonagung

Plesiran

• Wisata Bahari Morosari, ing Bedono
• Masjid Agung Demak, ing Bintoro
• Makam Sunan Kalijaga, ing Kadilangu
• Makam Radèn Patah, ing Bintoro

Panganan lan Ombenan

Makanan dan Minuman kas Demak, yaiku:

• Nasi Ndoreng = Terbuat dari Nasi, Kuluban, Pelas (Botok).
• Wedang Pekak = Terbuat dari Jahe, gula jawa, gula pasir, jeruk purut, serai, kayu legi, pekak.
• Sengkulan = Terbuat dari Tepung Ketan, santan kanil, gula pasir, garam, pewarna makanan.
• Belimbing Demak (Averrhoa Carambola Kultivar Demak)
• Jambu Demak (Jambu Citra Delima)
• Botok Telur Asin

Potensi

• Sentra Blimbing Demak, ing Betokan
• Sentra Jambu Demak, ing Tempuran
• Kasenian Batik Demak, ing Karangmlati
• Industri Krupuk, ing Ngaluran
• Industri Témpé, ing Bandungreja

Deleng uga

• Pratélan kabupatèn lan kutha ing Indonésia

Pranala njaba

• Situs Web Resmi Archived 2007-01-13 at the Wayback Machine.

Jawa Tengah