Klappertaart

Klappertaart ing Indonesia dikenal minangka kuweh khas Manado

Klappertaart ya iku panganan awujud kuweh kang minangka panganan khas Manado. Kuweh iki digawé saka klapa, glepung, susu, mentega,lan endhog.[1] Resep bolu iki dipangaribawani saka papréntahan kolonial Walanda nalika isih njajah ing Manado.[2] Klappertaart isiné iku custard lembut kang ana irisan degane.[2] Panganan iki paling énak dipangan nalika adhem.[1] Klappertaart akèh didol ing warung makan utawa restoran-restoran kang nawakake masakan manado.[2] Klappertaart kalebu panganan kang duwé kolesterol dhuwur.[3] Klappertaart bisa dimasak nganggo cara apa baé kaya ta dipanggang karo roti.[3] Klappertaart kang akèh ditemoni ing pasaran padatan klappertaart kang dipanggang. Klappertaart kang kaya mangkono digawé saka adonan glepung, maizena, mentega, endhog, sarta klapa.Yèn wujudé kaya mangkene, klappertaart dadi padhet kaya roti tart.[3] Saliyané klappertaart panggang, ana uga unbaked klappertaart (klappertaart kang ora dipanggang) kang teksture kaya custard.[2] Yèn klappertaart kanthi wujud kaya mangkene, paling énak dipangan nalika adhem. Panganan iki aja nganti kesuwen dijarake ing njaba kulkas jalaran rasané bakal malih dadi kecut.[3] Ukuran klappertaart kang didol ing pasaran padatan koppen (cup), klein (cilik), middel (sedheng), lan Groot' (gedhé)

Cathetan suku

[besut | besut sumber]
  1. ↑ a b "Klappertaart". Diarsip saka sing asli ing 2019-01-20. Dibukak ing 2011-08-15.
  2. ↑ a b c d Hmm... Klappertaart Erg Lekker!
  3. ↑ a b c d Klappertaart, Kebanggaan Manado(16 Agustus 2011)