Komite pangrèh pulitik

Ing Amérikah Sarékat, komite pangrèh pulitik (cara Inggris: political action committee, dicekak PAC) ya iku jinising organisasi sing ngumpulaké sumbangan kampanye saka para anggotané saperlu didharmakaké kanggo urusan kampanye nyengkuyung utawa nentang para calon, prakarsa balot, utawa undhang-undhang.[1][2] Istilah légal PAC digawé nedya marsudi réformasi wedana kampanye ing Amérikah Sarékat. Istilah iku mirunggan kanggo ing manéka warna kagiyatan wedana kampanye ing Amérikah Sarékat. Tata dhémokrasi ing nagara-nagara liya nganggo istilah sing béda-béda tumrap unit sing ngragadi kampanye utawa ngragadi adon-adon pulitik iki.

Ing tataran fédheral Amérika, organisasi bisa dadi PAC manawa nampa utawa nganggo ragad punjul $2.600 nedya bisa mangaribawani pilihan umum fédheral, miturut Federal Election Campaign Act (cara Jawa: Paugeran Kampanye Pilihan Umum Fédheral).[3] Ing tataran praja, organisasi bisa dadi PAC miturut ukum bab pilihan umum prajaé.

Tumrap PAC, sumbangan saka kas korporasi utawa sarékat buruh iku ilégal, sanajan korporasi utawa sarékat bisa nyeponsori PAC lan wènèh sokongan kanggo urusan administrasi lan pangumpuling wedana. PAC sing afiliasi karo sarékat buruh mung bisa golèk sumbangan saka anggota-anggotane, déné PAC sing swatantra bisa golèk sumbangan saka wong umum nanging kudu ngragadi urusané dhéwé nganggo wedana kuwi.

PAC sing ngusung sawenèh calon ing tataran fedheral bisa nyumbang marang calon kanthi cara-cara mangkene:

  • $5,000 kanggo salah sawijining calon utawa komitene si calon ing saben pilihan (pilihan primer lan pilihan umum dianggep pilihan seje);
  • $15,000 kanggo parati pulitik saben taun; lan
  • $5,000 kanggo PAC liyané saben taun.
  • PAC-PAC bisa gawé blanjan swatantra sing tan winates kanggo calon utawa partai pulitik

Ing kasus Citizens United v. FEC, the Supreme Court of the United States ing taun 2010, ing jerone, salah sawijining kasil ngowahi sawenèh perangane Campaign Reform Act of 2002 (uga diarani McCain-Feingold Act) sing nglarang kumpeni lan sarekat pulitik sing swatantra ragad ing kampanye pulitik.[4] Citizens United ngelegalke kumpeni-kumpeni lan sarekat-sarekat ragad saka dhuwit kase kanggo ngragadi blanjang sing swatantra kanggo kegiyatan sing ana hubungane karo kampanye-kapanye, nanging ora ngowahi larangan bab sumbangan kanthi langsung déning kumpeni utawa panunggalan kanggo kampanye ing tataran fedheral.[5][6] Organisasi-organisasi sing kepengen nyumbang kanthi langsung marang kampanye-kampanyene calon ing tataran fedheral isih kudu gumantung karo PAC-PAC sing tradhisional kanggo ancas iku mau.[7]

Pratélan tetembungan

[besut | besut sumber]

Ana ing ngisor iki tembung-tembung Jawa sing dianggo ing artikel iki, dikanthèni jarwané ing basa Inggris.

  1. adon-adon - competition
  2. kas - treasury
  3. mangaribawani - to influence
  4. marsudi - to strive for
  5. mirunggan - specific
  6. praja - state
  7. ngragadi - to spend money for
  8. pangumpuling wedana - fundraising
  9. pilihan umum - election
  10. prakarsa balot - ballot initiative
  11. sarékat buruh - labor union
  12. sokongan - financial support
  13. swatantra - independent
  14. tataran - level
  15. ukum - law
  16. undhang-undhang - legislation
  17. wedana - (1) fund, (2) finance

Rujukan

[besut | besut sumber]
  1. ↑ Janda, Kenneth; Berry, Jeffrey M.; Goldman, Jerry (2008-12-19). The Challenge of Democracy: American Government in a Global World (édhisi ka-10). Boston: Cengage Learning. kc. 309. ISBN 054720454X. Dibukak ing 2013-05-13.
  2. ↑ "Kentucky: Secretary of State - Civics Glossary". Sos.ky.gov. 2010-12-20. Diarsip saka sing asli ing 2013-06-07. Dibukak ing 2012-01-04.
  3. ↑ "Federal Campaign Finance Laws" (PDF). Federal Election Commission. April 2008. kc. 1: §431. Definitions (4). Dibukak ing 2012-01-04.
  4. ↑ Ely, Jr., James W. (2012) [2005]. Hall, Kermit L. (èd.). The Oxford Companion to the Supreme Court of the United States (Encyclopedia) (édhisi ka-2). Oxford: Oxford University Press. ISBN 9780199916467.
  5. ↑ Cithakan:USC
  6. ↑ http://www.sec.gov/comments/4-637/4637-21.pdf
  7. ↑ Murse, Tom. "What is a Super PAC?". About.com U.S. Politics. Dibukak ing December 9, 2012.