Let lairan

Simbok karo bayiné kang mentas lair

Let lairan utawa let garbini ateges lawasé mangsa let siji wanita nggarbini (meteng) utawa lairan saka mangsa nggarbini utawa lairan kang sadurungé. Ana résiko kaséhatan kang gegayutan lairan-lairan kang leté sadhéla lan kang leté suwé, nanging pérangan gedhéning résiko gegayutan karo lairan-lairan kang leté sadhéla.[1] March of Dimes mrayogakaké wanita saorané ngentèni 18 sasi sadurungé nggarbini manèh sawisé lairan normal;[2] WHO mrayogakaké 24 sasi.[3] Let kang luwih sedhéla, adaté 6 sasi, bisa kalakon manawa nggarbini kang sadurungé karuntuhaké (aborsi) utawa ngalami gogrog (miscarriage).[2][3] Yèn kang ibu bubar nindakaké bedhah sésar, kaprayogakaké kang ibu ngentèni siji tekan telung taun sadurungé lairan manèh amarga anané résiko kendhoring guwa garwa (uterine rupture). Let lairan kang lawasé nganti punjul 5 taun iku gegayutan marang résiko pra-èklampsiyah.[4] Sangganing (burden) kaséhatan warga sajagat marang let lairan kang sadhéla iku gedhé.[3] Rancangan kulawarga bisa ngundhakaké let antaraning lairan.[5]

Kaséhatan warga

[besut | besut sumber]

Sangganing kaséhatan warga sajagat marang let lairan kang sadhéla iku gedhé.[3] Ing nagara-nagara ngembang, bocah-bocah kang lairé rong taun utawa kurang sawisé kakangé kena résiko nganti 60% ngalami pepati nalika isih bayi, déné bocah-bocah kang let lairané antarané loro tekan telung taun kena résiko nganti 10%. Kang ora kena résiko iku bocah-bocah kang let lairané papat tekan limang taun.[6] Manéka organisasi, kalebu Organisasi Kaséhatan Donya[3] lan Bill and Melinda Gates Foundation[7] wis nitik yèn let lairan iku babagan wigati ing budidaya kaséhatan warga (public health intervention).

Réferènsi

[besut | besut sumber]
  1. ↑ Shachar, Bat Zion; Lyell, Deirdre J. "Interpregnancy interval and obstetrical complications". www.uptodate.com. Dibukak ing 2018-04-22.
  2. ↑ a b "How long should you wait before getting pregnant again?". The March of Dimes (ing basa Inggris Amérika Sarékat). Dibukak ing 2018-04-03.
  3. ↑ a b c d e Report of a technical consultation on birth spacing (PDF) (Report). WHO. 2005. Diarsip saka sing asli (PDF) ing February 2017. Dibukak ing 2018-04-03.
  4. ↑ "Effects of birth spacing on maternal health: a systematic review". American Journal of Obstetrics and Gynecology . 196 (4): 297–308. April 2007. doi:10.1016/j.ajog.2006.05.055. PMID 17403398.
  5. ↑ "Role of birth spacing, family planning services, safe abortion services and post-abortion care in reducing maternal mortality". Best Practice & Research. Clinical Obstetrics & Gynaecology. 36: 145–155. October 2016. doi:10.1016/j.bpobgyn.2016.07.008. PMID 27640082.
  6. ↑ "Effects of preceding birth intervals on neonatal, infant and under-five years mortality and nutritional status in developing countries: evidence from the demographic and health surveys". International Journal of Gynaecology and Obstetrics. 89 Suppl 1: S7–24. April 2005. doi:10.1016/j.ijgo.2004.11.012. PMID 15820369.
  7. ↑ Gates, Bill; Gates, Melinda. "Warren Buffett's Best Investment". gatesnotes.com. Dibukak ing 2018-04-22.