Misha Zilberman (Ibrani: מישה זילברמן; lair ing Moskwa, 30 Januari 1989) iku sawijining juru main badminton Israèl.
Dhèwèké ngwakili Israèl nalika Olimpiade taun 2012 ing London, lan uga ngwakili Israèl nalika European Games taun 2015.
Misha Zilberman sempet nuwuhaké kontrovèrsi ing taun 2015 lan kepéngin mèlu Sayembara BCA Indonesia Open badminton Championships ing Jakarta, Agustus 2015. Pamaréntah Indonésia awalé emoh mènèhi visa. Nanging pungkasané Indonésia luluh sawisé didesek Fédérasi Internasional Badminton.
Zilberman lair ing Moskwa, Ruslan. Dhèwèké putra tunggalé bapané Michael, lan ibuné Svetlana. Bapané lair ing Ruslan taun 1945, lan ijrah menyang Israèl taun 1991, karo bojo lan anaké. Dhèwèké nyambut gawé ing Pardes Hannah lan sawisé iku ing Rishon LeZion. Svetlana lair ing Bélarus. Dhèwèké wiwit main badminton saka umur 12 taun. Nalika iku pisan ketemu karo Michael kang dadi palatihé, lan ora suwé manèh loroné banjur rabi.
Wong tuwané loro-loroné saka latar wuri ulah raga. Michael iku anggota Tim Nasional Sovyèt ing gimnastik nganti pension sawisé cidera. Banjur dhèwèké dadi asistèn palatih Tim Nasional badminton Sovyèt lan Svetlana nganti saiki isih panggah main badminton kanthi professional. Pucak karièré ya iku nalika bisa menangaké medali prunggu ing taun 1986 kanggo Uni Sovyèt nalika ana Kajuwaran Badminton Éropa.
Misha Zilberman mèlu dines ing Angkatan Senjata Israèl saka Agustus 2007 nganti Agustus 2010. Dhèwèké saiki manggon ing Ness Ziona, Israèl.