Pageblug Covid-19 ing Singapura
 Kar laladan kang kacathet amarga kasus koronavirus (abang) (miturut 16 April) | |
| Lara | COVID-19 |
|---|---|
| Turunan Virus | SARS-CoV-2 |
| Kapernah | Singapura |
| Kadadéan kapisan | Sentosa, Kapuloan Kidul |
| Surya wiwitan | 23 Januari 2020 (4 years, 10 months, 1 week and 2 days) |
| Sumber | Wuhan, Hubei, Cina |
| Kadaéan kang kacathet | 38.514 |
| Kadéan kang aktif | 12.903 |
| Mari | 25.368 |
Mati | 25 |
| Sana kang resmi | |
| www | |
Pandhémi koronavirus 2019 ing Singapura kacathet kapisan nalika 23 Januari 2020. Ing tanggal 19 April 2020, Singapura dadi negara kang akèh dhéwé kasus positif ing Asia Kidul-wétan munjuli Indonésia lan Pilipina.[1]
Kadadéan
[besut | besut sumber]Kasus kapisan kang kacathet ing Singapura yaiku tanggal 23 Januari 2020 kang ditandang déning wisatawan saka Wuhan kang plesir ing Singapura. Miturut Mentri Kasehatan negara iku pasièn kapisan ya iku wong lanang umur 66 taun warga negara Wuhan, Cina. Dhèwèké lunga bareng karo kulawargané lan teka Singapura tanggal 20 Januari 2020, nganggo motor mabur China Southern Ariline CZ351 saka Guangzhou. Banjur dhèwèké diisiolasi ing Griya Sakit Umum Singapura.[2] Ing wiwitan sasi April akèh-akèhé kang nandang lelara ya iku saka asrama pegawé saka mancanegara.[3] Miturut Mentri Kaséhatan negara iku, saka 1.426 kasus anyar ing tanggal 20 April 2020, 1.369 ya iku wong kang nggawa kertu ijin nyambut gawé ing asrama pegawé mancanegara. [4]
Akibat
[besut | besut sumber]Ékonomi
[besut | besut sumber]Miturut Mentri Dagang lan Industri (MTI) Singapura ékonomi negara iku nyusut udakara 1 nganti 4%. Ing telung sasi (kuartal) wiwitan taun iki, ékonomi negara iki nyusut 2,2% tinimbang telung sasi ing taun pungkasan. Juru ékonomi kang diwawanrembug déning Reuters medharaké ékonomi Singapura nyusut 1,5% tinimbang taun kepungkur lan 6,3% tinimbang kuartal sakdurungé.[5]
Pariwisata
[besut | besut sumber]Sawenèh negara duwéni pamenging kanggo lelungan menyang Singapura, akibaté nyebabaké cacah wisatawan saya suda.[6] The Singapore Tourism Board (STB) mrakirakaké cacah wisatawan mudhun 25 nganti 30 persèn ing taun iki utawa bisa kasebut menawa saben dinané Singapura kélangan udakara 20.000 wisatawan. Kadadéan pageblug iki, nyebabaké sudané wisatawan ing Singapura luwih asor 19 persèn nalika pageblug SARS ing taun 2003. Patang taun pungkasan iki, wisatawan Singapura akèh-akèhé saka Cina, mula gunggung wisatawan asor banget.[7]
Transportasi
[besut | besut sumber]Mentri Transportasi Singapura, Khaw Boon Wan medharaké nalika 6 April 2020 menawa Papan Anggegana Changi Terminal 2 dindhegaké 18 sasi wiwit 1 Mèi 2020. Sakliyané iku ing Terminal 4 jadwal pesawat anggegana uga disuda.[8] Singapore Airline medharaké nalika 23 Maret 2020, menawa nyuda jadual maburé motor mabur udakara 96% nganti pungkasan April 2020. Udakara 138 saka 147 motor mabur Singapore Airline lan Silk Air ora dilakokaké. Sakliyané iku Scoot, motor mabur kanthi béa murah namung nglakokaké 2 saka 49 motor mabur lan wurungaké arep kabèh jaringan transportasi.[9]
Sakliyané iku, kanggo nyengkuyung pegawé taksi lan tumpangan sewa ngadhepi pageblug diwènèhi bantuan kang gedhéne 77 yuta Dollar Singapura. Bantuan iku dumadi saka 45 yuta Dollar Singapura lan sisané saka perusahaan taksi iku. Udakara 40.000 supir taksi, telung sasi diwènèhi 20 Dollar Singapura saben dina kang diwiwiti 14 Februari 2020.[10]
Acara
[besut | besut sumber]Udakara 70 mesjid ing Singapura ditutup limang dina kang diwiwiti nalika 13 Maret 2020, kalebu Salat Jemuwah uga diwurungaké. Ditutupé mesjid iku ancasé kanggo reresik mesjid supaya aman saka virus lan lelara.[11]
Statistik
[besut | besut sumber]Rujukan
[besut | besut sumber]- ↑ Limited, Bangkok Post Public Company. "Singapore now has most coronavirus cases in SE Asia". Dibukak ing 2020-06-12.
- ↑ "Singapore confirms first case of Wuhan virus". CNA (ing basa Inggris). Diarsip saka sing asli ing 2020-01-23. Dibukak ing 2020-06-12.
- ↑ hermesauto (2020-04-21). "Singapore facing two separate outbreaks: in the community and in foreign worker dormitories". The Straits Times (ing basa Inggris). Dibukak ing 2020-06-12.
- ↑ "1,426 new COVID-19 cases in Singapore, mostly foreign workers in dormitories". Diarsip saka sing asli ing 2020-05-03.
- ↑ Lee, Yen Nee (2020-03-26). "Singapore expects its economy to shrink in 2020 due to the coronavirus pandemic". CNBC (ing basa Inggris). Dibukak ing 2020-06-12.
- ↑ nadiahmn (2020-02-25). "Coronavirus: Which countries have imposed travel restrictions?". The Straits Times (ing basa Inggris). Dibukak ing 2020-06-12.
- ↑ hermesauto (2020-02-11). "Singapore's visitor arrivals down by about 20,000 a day amid coronavirus outbreak". The Straits Times (ing basa Inggris). Dibukak ing 2020-06-12.
- ↑ hermesauto (2020-04-06). "Operations at Changi Airport T2 to be suspended for 18 months from May". The Straits Times (ing basa Inggris). Dibukak ing 2020-06-12.
- ↑ "COVID-19: Singapore Airlines slashes 96% of capacity, grounds most planes". CNA (ing basa Inggris). Diarsip saka sing asli ing 2020-03-23. Dibukak ing 2020-06-12.
- ↑ hermesauto (2020-02-13). "Coronavirus: $77 million package to help taxi, private-hire drivers". The Straits Times (ing basa Inggris). Dibukak ing 2020-06-12.
- ↑ hermesauto (2020-03-12). "All mosques here to be closed for five days for cleaning, Friday prayers cancelled". The Straits Times (ing basa Inggris). Dibukak ing 2020-06-12.