Photoscape

PhotoScape
PangembangMOOII Tech
Versi rilis terbaru3.5
Sistem operasiWindows 7, Windows Vista, Windows XP, Windows 98
JenisEditor gambar
LisènsiFreeware
Situs webPhotoscape.org

Photoscape punika salah satunggaling aplikasi wonten ing komputer ingkang ginanipun kanggé ngedit foto utawi gambar [1][2]. Photoscape punika kalebet piranti lunak gratis èditor citra ingkang dipunkembangaken déning MOOII Tech, Korea.Saking Photoscape punika kita sadaya saged:

  1. nggantos warni foto,
  2. nggunting foto,
  3. nambah utawi ngirangi ukuran foto,
  4. maringi tulisan wonten ing foto,
  5. maringi pigura foto,

sapunika kathah aplikasi ingkang wonten kanggé ngedit saha damel tampilan foto utawi gambar langkung saé kados Photoscape, Corel photopaint, Adobe Photoshop, lan sanès-sanèsipun. Nanging saking jinis-jinis punika Photoscape ingkang langkung gampil dipun-operasiaken déning tiyang awam. Amargi tingkat angèlipun andhap saéngga tiyang ingkang boten gadhah keahlian mirunggan babagan èditor gambar ugi saged ngginakaken [3].

Fitur Photoscape

[besut | besut sumber]

Fitur-fitur ingkang wonten ing aplikasi PhotoScape inggih punika :

  • Viewer: kanggé mirsani foto ing folder lan damel slideshow.
  • Photo Editor: kanggé nggantos ukuran, kecerahan, warna, white balance, koreksi latar, Bingkai, baloon, efek mosaik, nambah seratan teks, nyeselaken gambar, motong gambar utawi foto, filter, mbusak red eye, blooming, clone stamp
  • Photo-Batch Editor: kanggé mroses kathah foto langung dados satunggal.
  • Page : Nggabungaken kathah foto dados poster.
  • GIF Animation : damel gambar dados animasi GIF.
  • Print: nyétak foto kanggé acara tartamtu.
  • Screen Capture: kanggé nyimpen layar monitor dhateng file gambar.
  • Color Picker: kanggé milih warna saking layar piksel.
  • RAW Converter: kanggé konversi format gambar RAW dhateng format JPEG.
  • Face Finder: kanggé manggihaken praupan ingkang sami saking internet [3].

Cathetan suku

[besut | besut sumber]
  1. ↑ [1] Archived 2012-12-17 at the Wayback Machine., (id) http://www.websolutionindonesia.com Archived 2012-12-19 at the Wayback Machine. (dipun-akses tanggal 11 Desember 2012)
  2. ↑ [2], (id) http://www.ilmugrafis.comm[pranala mati permanèn] (dipun-akses tanggal 11 Desember 2012)
  3. ↑ a b [3] Archived 2012-12-18 at the Wayback Machine., (id) Aplikasi PhotoScape (dipun-akses tanggal 11 Desember 2012)

Pranala njawi

[besut | besut sumber]