Prasasti Ciaruteun

Prasasti Ciaruteun

Prasasti Ciaruteun inggih punika salah satunggaling prasasti abasa Sunda tilaranipun jaman Karajan Tarumanagara ingkang dumunung ing laladan Ciampea, Bogor.[1] Rumiyin, prasasti punika kawastanan Prasasti Ciampea.[1] Ananging, amargi watu punika sepisanan kapanggih ing pinggir kali Ciaruteun, lajeng dipun-gantos dados Prasasti Ciaruteun.[1] Ing prasasti punika wonten sepasang pandatala, inggih punika wangun tapak suku ingkang kacéthak cetha wonten ing pérangan inggil kaliyan dipunhias seratan ingkang ngagem huruf Palawa, saha abasa Sansekerta.[2] Cariyosipun, tapak suku punika tilas tapak sukunipun Maharaja Purnawarman ingkang mandhégani kaliyan nguwasani Karajan Tarumanagara.[2]

Isi Prasasti

[besut | besut sumber]

Prasasti Ciaruteun kaserat kanthi wangun geguritan 4 gatra..[2] Wosipun inggih punika:

Teks:

vikkrantasyavanipat eh
srimatah purnnavarmmanah
tarumanagarendrasya
visnoriva padadvayam

Tegesipun inggih punika tapak suku ingkang gunggungipun kalih kados tapak sukunipun Wisnu punika kagunganipun raja donya ingkang gagah prakasa ingkang misuwur Purnawarman panguwasa Tarumanagara..[2]

Gambar tapak suku punika pralambang panguwasanipun raja dhumateng laladan mau inggih punika panggénan kapanggih Prasasti Ciaruteun.[3] Tapak suku punika ugi dados pralambang panguwasan kaliyan kawontenan satunggaling pawongan ugi dados pralambang pangurmatan dhumateng para déwa.[3] Tegesipun Purnawarman kados Déwa Wisnu ingkang dipunanggep minangka panguwasa ugi dados pangayoming bebrayan.[3]

Ugi pirsani

[besut | besut sumber]

Cathetan suku

[besut | besut sumber]
  1. ↑ a b c Jejak Tarumanagara pada Prasasti Ciaruteun[pranala mati permanèn](dipunundhuh 1 November 2012)
  2. ↑ a b c d Prasasti Ciaruteun(dipunundhuh 2 November 2012)
  3. ↑ a b c Isi Prasasti Ciaruteun[pranala mati permanèn](dipunundhuh 2 November 2012)