Roy Marten

Roy Marten
LairRoy Wicaksono Abdul Salam
(1952-03-01) Maret 1, 1952 (umur 72)
Salatiga, Jawa Tengah, Indonesia
BangsaIndonesia
PakaryanArtis, Model
Taun aktif1974 - saiki
BojoFarida Sabtijastuti(pegat)
Anna Maria
AnakMonique, Aline, Galih lan Gading Marten (saka Farida Sabtijastuti)
Merari lan Mahesa Gibran (saka Anna Maria)
Wong tuwaAbdul Salam (bapak)
Johanna Nora Van Daatselaar (ibu)

Theodoros Roy Marten kondhang karo jeneng Roy Marten (lair ing Salatiga, 1 Maret 1952; umur 72 taun) yaiku aktor, lan model Indonesia kang dikenal ing taun 1970 an nganti taun 1980 an.[1]

Karir

[besut | besut sumber]

Roy Marten miwiti kariré dadi peragawan ing Salatiga.[1] Roy Marten tau menangaké King Boutique ing Jawa Tengah. Sawisé iku dhèwèké lagi pindhah menyang Jakarta.[1] Roy Marten dadi anak nomer telu saka sadulur kang cacahé enem.[1] Roy Marten anak saka pasangan Abdul Salam lan Johanna Nora Van Daatselaar.[1] Anak pambarep pasangan iki yaiku Rudy Salam (artis), kang kaping loro yaiku Melani Kusuma (wiraswata katering ing Jakarta), lagi kang kaping telu yaiku Roy Marten, anak kang kaping papat yaiku Ery Salam (notaris kang Semarang), banjur Ronny Salam (wiraswata koperasi simpan pinjam), lang kang wuragil jenengé Chris Salam (pengacara lan artis).[2] Jaman keemasan Roy Marten yaiku nalika taun 1977.[3] Nalika iku Roy Marten dikenal dadi salah sijiné kelompok bintang "The Big Five" kang anggotané Yati Octavia, Robby Sugara, Doris Callebaute, Yenny Rachman, lan Roy Marten.[3] Nalika iku grup iki éntuk gaji gedhé dhéwé yaiku kang cacahé Rp 5 yuta, sekali main ing filem.[3] Taun 1977 Roy Marten uga dadi bintang filem paling akèh ing kariré.[3]

Kasus narkoba

[besut | besut sumber]

Durung rampung urusané karo Ketua Umum PARSI, Anwar Fuady, malah Roy Marten kudu duwé urusan karo pulisi.[4] Roy Marten dicekel nalika tanggal 2 Fèbruari 2006 kurang luwih jam 16:00, amarga nggawa narkoba jinis sabu-sabu kang aboté 3 gram.[4] Dhèwèké dicekel ing di kawasan Ulujami, Jakarta Selatan.[4] Pungkasané sawisé disidhang Pengadilan Negeri Jakarta Selatan mènèhi vonis 9 sasi subsider 3 sasi.[4] Sawisé éntuk remisi Roy Marten metu saka kunjara nalika tanggal 1 Oktober 2006.[5] Roy Marten ngaku yèn dhèwèké kapok lan ora kepéngin manèh nganggo narkoba.[5] Pangalaman Roy Marten kang suwéné sangang sasi ing kunjara maragakaké Roy Marten aktif ing kagiyatan penyuluhan pencegahan narkoba kanthi tujuwan wong liya ora ngrasakaké apa kang Roy Marten rasakna.[5] Malah Roy Marten diudang BNN dadi pambicara kampanye anti narkoba.[5]

Cathetan suku

[besut | besut sumber]
  1. ↑ a b c d e Profil ing KapanLagi.com(dipunundhuh tanggal 8 Juli 2011)
  2. ↑ Keluarga Berharap Tak Ditahan (dipunundhuh tanggal 8 Juli 2011)
  3. ↑ a b c d Roy Marten (dipunundhuh tanggal 8 Juli 2011)
  4. ↑ a b c d Bawa Narkoba, Roy Marten Ditangkap Pulisi(dipunundhuh tanggal 8 Juli 2011)
  5. ↑ a b c d Roy Marten Segera Masuk Rehabilitasi(dipunundhuh tanggal 8 Juli 2011)