Sarékat Islam

Potrèt kumpulan ing parepatan Sarékat Islam.

Sarékat Islam, sadurungé aran Sarékat Dagang Islam, iku pakumpulan sudagar bathik Jawa ing Indhiya-Nèderlan. Pakumpulan iki diyasa Haji Samanhudi, sudagar bathik, rikala 1905 ing Surakarta[1] utawa 1912.[2] Sarékat Dagang Islam duwé ancas mikuwati sudagar enggonan (lokal), mligi ing indhustri bathik. Yasaning pakumpulan iki kajiwani pakumpulan Jamiat Kheir.

Tut lakuning jaman, pakumpulan iki banjur ambal tata (réorganisasi) uga salin jeneng dadi Sarékat Islam. Kantor gedhé Sarékat Islam mapan ing Surabaya. Wong-wong wigati saka Sarékat Islam kaya ta H.O.S. Cokroaminoto[2] lan Haji Agus Salim. H.O.S. Cokroaminoto duwé cantrik telu kang kondhang, kang padha mrabawani ing jagating pulitik Indonésia: Sukarno kang nasionalis, Semaun kang sosialis, lan Kartosuwirjo kang islamis. Haji Agus Salim gabung Sarékat Islam ing 1915 lan manuhaké modhèrenisme Islam. Sawenèh cantriking Salim kaya ta Kasman Singodimedjo, Mohammad Roem, lan Mohammad Natsir kang ing tembé dadi pangarep-pangarep nasionalis lan Islam ing Indonésia.

Rujukan

[besut | besut sumber]
  1. ↑ Heryanto, Ariel (2008-05-21). "Questioning the relevance of nat'l awakening today". The Jakarta Post (ing basa Inggris). Diarsip saka sing asli ing 2018-03-29. Dibukak ing 2018-03-29.
  2. ↑ a b Holt, Peter Malcolm; Ann K. S. Lambton; Bernard Lewis (1977). The Cambridge History of Islam. Cambridge University Press. kc. 191–192. ISBN 0-521-29137-2.

Pranala njaba

[besut | besut sumber]