Semporna

Lokasinipun Kutha Semporna

Semporna inggih punika nama salah satunggalipun kutha ingkang wonten ing Divisi Tawau, ing sawètanipun Sabah, Malaysia, ing Pulo Bornéo.[1] Kutha Semporna gadhah populasi padunung kinten-kinten 133.000 ing taun 2006.[2]

Semporna kapanggih déning Inggris.[1] Sadèrèngipun gadhah nama Semporna ingkang tegesipun papan panggènan kanggé lérén, kutha punika gadhah nama Tong Talun.[1] Wonten cariyos bilih dipunparingi nama Semporna amargi rumiyin ing kutha punika wonten pakempalan sekawan panglima - Panglima Kabogan, Panglima Bum-Bum, Panglima Simunul lan Panglima Abdullah.[1]

Semporna wujudipun pulo ageng ingkang ing sakiwatengenipun kathah pulo alit.[1] Amargi panoramanipun ingkang éndah, saéngga saged narik kawigaten wisatawan manca nagari.[1] Pulo ingkang dipunremeni déning wisatawan inggih punika Pulo Sipadan lan Pulo Mabul.[1] Semporna dipunsambungaken kaliyan dharatan kanthi brug Pegagau.[1] Wewengkon Pegagau taksih mlebet wewengkon Semporna.[1]

Masarakat Semporna kapérang saking kaum, bangsa, lan agami ingkang bènten-bènten. Nanging kaum ingkang kathah piyambak inggih punika saking suku Bajau.[1]

Semporna ugi misuwur kanthi lomba dayung Regatta Lepa (lomba prau alit) ingkang dipunwontentenaken ing wulan April saben taun.[1]

Cathetan suku

[besut | besut sumber]
  1. ↑ a b c d e f g h i j k [1] Archived 2011-08-09 at the Wayback Machine. dipunundhuh tanggal 1 Agustus 2011)
  2. ↑ ["Basic population characteristics by administrative districts - 2006", Department of Statistics, Malaysia.]

Pranala njawi

[besut | besut sumber]