Tamamo-no-Mae

Tamamo-no-Mae. Cithakan déning Yoshitoshi.
Sessho-seki ing Nasu, Tochigi

Tamamo-no-Mae (玉藻前 utawi 玉藻の前, 玉藻御前?) inggih punika satunggaling tokoh legendaris wonten ing mitologi Jepang lan carita rakyat Jepang. Wonten ing Otogizoshi, kempalan gancaran Jepang dipunserat nalika periode Muromachi, Tamamo-no-Mae kacariyosaken dados selir Kaisar Konoe kanthi tahta saking 1142 dumugi taun 1155. Piyambakipun punika dipunsebat wanita paling ayu lan pinter wonten ing Jepang. Awakipun Tamamo-no-Mae kanthi misterius medalaken ambu ingkang wangi lajeng busananipun boten naté reged. Tamamo-no-Mae boten namung ayu kemawon, nanging gadhah kawruh ingkang wiyar ing manéka babagan ngèlmu [1]. Sanajan yuswanipun nembé kalih dasa taun, annaging boten wonten pitakenan ingkang boten saged dipunwasngsuli déning piyambakipun. Saben pitakenan ingkang tumuju dhateng piyambakipun jelas saged dipunwangsuli, wiwit saking babagan musik dumugi agami sarta astronomi. Keayuan lan kapinteranipun ingkang damel saben tiyang wonten ing astana Kamaharajan gumun kaliyan wanita punika. Kasiar Konoe punika remen sanget kaliyan Tamamo-no-Mae.

Kaisar Konoe maringaken sadaya katresnanipun marang Tamamo-no-Mae dumugi ing sawijining dinten, kaisar gerah ingkang misterius. Kaisar nglampahi konsultasi kaliyan kathah bhiksu ugi peramal supados mangertos ingkang dados lelara mau. Nanging boten wonten ingkang manggihaken. Pungkasan, wonten satunggaling peramal bintang anama Abe no Yasuchika matur dhateng kaisar bilih ingkang damel kaisar gerah punika Tamamo-no-Mae. Yasuchika ngandharaken bilih Tamamo-no-Mae punika sajatosipun kitsune [2] mawi sangang buntut ingkang dados wanita ayu ugi enèm. Majikanipun punika satunggaling daimyo ingkang sengaja damel kaisar gerat supados saged ngrebut tahta kaisar. Bibar mangertos bilih piyambakipun dados inceran, Tamamo-no-Mae ical saking astana.

Kaisar paring dhawuh dhateng panglima ingkang paling kuwat kala punika, Kazusa-no-suke lan Miura-no-suke supados madosi lajeng matèni rubah (kitsune) dados-dadosan punika. Sasampunipun naté kasil lumayu saking para pemburu mau, kitsune medal wonten ing mimpinipun Miura-no-suke kanthi wujud Tamamo-no-Mae ingkang ayu. Kitsune mangertos bilih piyambakipun badhé dipunpateni déning Miura-no-suke énjingipun lan nyuwun supados nyawanipun dipunparingi ampun nanging Miura-no-suke boten purun. Enjingipun, para pemburu manggihaken rubah ing Dataran Rendah Nasu. Miura-no-suke manah makluk mau saéngga mati. Awak rubah mau banjur malih dados Batu Pembunuh (Sessho-seki, 殺生石) ingkang saged nyabut nyawa sinten kemawon ingkang ndemok watu mau. Arwah Tamamo-no-Mae malih dados Hoji lajeng medeni watu mau.

Miturut legenda, watu ing Nasu terus diwedèni déning Hoji dumugi digusah déning satunggaling bhiksu anama Genno. Hoji ngancem Genno nalika bhiksu mau nembé ngaso wonten ing celakipun Batu Pembunuh. Genno ngawontenaken ritual kanggé nggusah memedi, lan nyuwun supados Hoji purun dipunslametaken. Pungkasan Hoji nyerah lan ngaturaken sumpah boten bakal medèni watu punika malih. Legenda Tamamo-no-Mae dados inspirasi cariyos noh Sessho-seki (Batu Pembunuh) lan kabuki kanthi irah-irahan Tamamo-no-Mae.

Cathetan suku

[besut | besut sumber]
  1. ↑ Kumpulan Cerita Rakyat Jepang Yang Terkenal[pranala mati permanèn], (dipunakses tanggal 10 Fèbruari 2013)
  2. ↑ Tamamo-no-Mae[pranala mati permanèn], (dipunakses tanggal 10 Fèbruari 2013)

Pranala njawi

[besut | besut sumber]
  • "Japanese Dakini".
  • "Hoji - Spiritual Being". Japanese Mythology - The Gods of Japan.
  • Mailahn, Klaus: Der Fuchs in Glaube und Mythos, Münster 2006, 190-194, ISBN 3-8258-9483-5