Taman Alam Lumbini

Gambar Taman Alam Lumbini

Taman Alam Lumbini yaiku candhi Budha sing ana ing Desa Dolat Rayat kutha Brastagi Sumatra lor, candi iki di gawé wiwit taun 2007 lan rampung ing taun 2010. Dhuwuré candhi sing di bangun iku wetara 46,8 mèter lan ambané 68 mèter pesagi, lan ing sakiwa tengené candhi iki uga dibangun candhi-candhi sing luwih cilik cacahé ana 14 candhi. Bangunan candhi Taman Alam Lumbini iku minangka tiron saka candhi shwedagon sing ana ing negara Myanmar. Saben dinané candhi Taman Alam Lumbini digawé karo umat agama budha kanggo ngibadah kaya ta candi Barabudhur sing ana ing Jawa Tengah.[1]

Sajarah

[besut | besut sumber]

Candhi Taman Alam Lumbini iku dibangun déning International Buddhist Centre utawa Organisasi umat agama Budha internasional sing diwiwiti taun 2007 lan rampung ing taun 2010. Jeneng Lumbini dhéwé dijupuk saka jeneng papan panggonané Budha Siddharta Gautama lair ing negara Nepal. Candhi iki diadhegaké ing lemah sing ambané wetara 3.000 hektar. pratètal khusus liyané ing candhi iki yaiku macem-macem tandha lonceng minangka hiasan sing nalika ana angin sumilir bakal ngasilake swara sing éndah.[2] Nalika di gebyakaké akèh wong-wong misuwur saka umat agama budha saka Indonésia lan manca nagara yaiku 1.500 biarawan. Dhuwuré candhi Taman Alam Lumbini iku wetara 46,8 mèter lan ambané 68 mèter pesagi, ing sakiwa tengené uga dibangun candhi-candhi cilik cacahé ana 14 yaiku.[3]

  • 1 menara duwure 42 mèter ambané 25 mèter pesagi,
  • 8 menara cilik sing duwuré 7,18 mèter amba 5 mèter pesagi
  • 4 patung budha sing digawé saka watu giok wutuh saka negara Myanmar
  • 1 cagak Asoka sing duwure 19,8 mèter.[1]

Plesiran

[besut | besut sumber]

Taman Alam Lumbini iku kalebu papan panggonan kanggo plesiran rèligi, saben dina mesthi dadi akeh pengunjung amarga bebas lumebu lan ora mbayar biaya. utamané kanggo wong-wong agama buddha sing biasané ngelakoni mèditasi utawa tapa lan ibadah ing candhi. Lingkungan sakiwa tengené candhi iku arupa kebun-kebun buah strobèri lan dalan setapak kanggo muter-muter lingkungan candhi, uga ana Jembatan gantung sing jenengé ''Titi Lumbini'' kanggo ngliwati kebun kembang lan strobèri ing ngisoré jembatan. Yen arep mara menyang Taman Alam Lumbini bisa digayuh nganggo mobil. Wektu lelungan kira-kira 2-3 jam saka Medan gumantung karo kahanan lalu lintas ing dalan. Kanggo wong-wong sing seneng Backpacker-an, bisa nggawa angkot Sutra menyang Berastagi udakara Rp 10.000 utawa kurang mudhun ing Tugu Buah Jeruk. Banjur lumaku mara ing candhi wetara 30 menit.[4]

Rujukan

[besut | besut sumber]
  1. ↑ a b "Taman Alam Lumbini - Replika Shwedagon Pagoda". tamanalamlumbini.org. Diarsip saka sing asli ing 2019-12-01. Dibukak ing 2019-12-16.
  2. ↑ "Pesona Pagoda Tertinggi di Indonesia di Taman Alam Lumbini, Karo". kumparan (ing basa Indonesia). Dibukak ing 2019-12-25.
  3. ↑ "Ini Kemegahan Taman Alam Lumbini di Karo, Pagoda Tertinggi Se-Indonesia". Traveling Yuk (ing basa Inggris). Diarsip saka sing asli ing 2019-12-16. Dibukak ing 2019-12-16.
  4. ↑ Media, Kompas Cyber. "Pagoda Tertinggi dan Termegah di Indonesia". KOMPAS.com (ing basa Indonesia). Dibukak ing 2019-12-23.