Taman Nasional Bromo Tengger Semeru

Taman Nasional Brama Tengger Semèru

Taman Nasional Brama Tengger Semèru mapan ing Jawa Wétan, Indonésia, ing sisih wétané Malang lan ing sisih pojok wétané Surabaya. Taman nasional iki dadi papan konservasi ing Indonésia kang ana pasir laute. Laut Pasir Tengger, iku kaldera saka Gunung Tengger kang duwé pucuk kang cacahé papat. Papan iki ambané 5.250 hèktar ing papan kang dhuwuré kurang luwih 2.100 m saiyane iku uga gunung kang paling dhuwur ing tlatah Jawa, Gunung Semèru (3.676 m), tlaga 4 lan kali 50. Taman Nasional Brama Tengger Semèru didaekake taman nasional wiwit taun 1982.[1]

Flora

[besut | besut sumber]

Taman Nasional Brama Tengger Semèru duwé wujud ékosistem sub-montana, montana lan sub-alphin kanthi wit-witan kang gedhé lan umuré wis nganti atusan taun, kaya ta cemara gunung, jamuju, edelweis, lan warna-warna anggrek lan suket kang langka.[2]

Faona

[besut | besut sumber]

Satwa langka lan kang dijaga kang ana ing taman nasional iki kaya ta luwak (Pardofelis marmorata), rusa (Cervus timorensis), kethèk buntut dawa (Macaca fascicularis), kidang (Muntiacus muntjak), pitik alas abang (Gallus gallus), macan tutul (Panthera pardus), ajag (Cuon alpinus); lan warna-warna manuk, kaya ta manuk alap-alap (Accipiter virgatus), rangkong (Buceros rhinoceros silvestris), garudha ula bido (Spilornis cheela bido), srigunting ireng (Dicrurus macrocercus), garudha bondhol (Haliastur indus), lan belibis kang urip ing Ranu Pani, Ranu Regulo, lan Ranu Kumbala.[2]

Data Taman Nasional Brama Tengger Semèru

[besut | besut sumber]

Ing ngisor iki data Taman Nasional Brama Tengger Semèru:[2]

  • Dikepyakaké: Mantri Pertanian, taun 1982.
  • Adhedhasar: Mantri Kehutanan, SK No. 278/Kpts-VI/97 dengan luas 50.276,2 hèktar.
  • Panggonan: Kab. Pasuruan, Kab. Probolinggo, Kab.Lumajang, dan Kab. Malang, Provinsi Jawa Wétan.
  • Temperatur udara: 3°-20 °C.
  • Rata-rata curah udan: 6.600 mm/taun
  • Dhuwure: 750-3.676 m. dpl
  • Panggon géografis: 7°51’-8°11’ LS, 112°47’-113°10’ BT

Cathetan suku

[besut | besut sumber]
  1. ↑ www.wisatamalang.com(diundhuh tanggal 1 Agustus 2011)
  2. ↑ a b c www.dephut.go.id Archived 2016-04-04 at the Wayback Machine.(diundhuh tanggal 1 Agustus 2011)