Tapé

Tapé
Panggonan asalIndonésia
Tlatah utawa prajaJawa
Woworan pokokKetéla pohung lan beras ketan
Buku masakan: Tapé  Médhia: Tapé

Tapé ya iku panganan fèrmèntasi kang digawé saka ketan lan pohung sing wis di fèrmèntasi nganggo ragi. Ing wektu fèrmèntasi tapé, nganggo warna-warna mikroorganisme, kaya ta:Saccharomyces cerevisiae, Rhizopus oryzae, Endomycopsis burtonii, Mucor sp., Candida utilis, Saccharomycopsis fibuligera, Pediococcus sp.. Tapé saka S. cerevisiae ngasilaké tapé kang wujudé rada mbanyu, rasané legi legi rada kecut kecut, ngandhut alkohol, lan rada pliket.[1].

Yèn kesuwèn fermentasine, tapé bisa ngasilaké banyu tapé utawa tuak kang bisa marakaké mabuk amarga wis kadhung dadi alkohol alkohol. Yèn ing Jawa Kulon, tapé pohung uga diarani peuyeum kang biyasa didol ing pinggir dalan lan dadi panganan khas Jawa Barat Jawa Barat. Yèn ing Jawa Tengah, tapé ketan digawé minangka suguhan sajeroning adicara temantènan, sedekah bumi, lan adicara adat liyané. Isa uga goreng nganggo glepung dadi Rondho Royal. Bisa uga diolah dadi Kolak kanggo suguhan pambuka ing wulan Pasa pas wanciné buka.

Tapé ketan

[besut | besut sumber]

Cara gawé tapé ketan

[besut | besut sumber]
  • Beras ketan dipususi (dikumbah) resik banjur direndhem kira-kira sejam, sawisé dikum (direndhem), beras ketan ditus utawa banyuné dibuang terus ditus nganti banyuné ilang.
  • Sawisé ditus, didang samatengé, banjur di elèr supaya adhem.
  • Banjur dicampur ragi tapé.
  • Banjur dicampur pewarna saka godhong suji lan dibungkus nganggo godhong gedhang.
  • Sawisé dibungkus, banjur dimenengaké sasuwené 2-3 dina.
  • Sawisé mateng disiapaké kanggo didhahar.

Tapé Budin

[besut | besut sumber]
Tape ketan dibuntel godhong gedhang

Bahan kang diperlokaké kanggo gawé tapé budin ya iku:[1][2]

  1. budin utawa téla pohong 5 kg,
  2. ragi tapé 5 iji.

Cara gawé tapé pohong

[besut | besut sumber]

Carané gawé tapé budin ya iku:[1]

  1. budin dionceki, dikumbah, banjur ditugeli (gedhéné kira-kira),
  2. budin didang sedhéla nganti mandan empuk, aja nganti melar. dientas banjur dijoraké nganti adhem,
  3. alusna ragi tapé (lumrahé ragi tapé wujudé bunder gèpèng warnané putih)
  4. uwur-uwuraké ragi tapé ing dhuwur budin kanthi rata. banjur tutup budin nganggo godhong gedhang (bisa uga nganggo plastik sing dikéi bolongan-bolongan cilik)
  5. simpen ing papan kang anget, suwéné 2-3 dina nganti budiné empuk.

Cathetan suku

[besut | besut sumber]
  1. ↑ a b c Tape[pranala mati permanèn](diundhuh tanggal 03 April 2011)
  2. ↑ http://www.indonesiaindonesia.com/f/8618-tapai-singkong/