Tutug oncom

Sega tutug oncom (basa Sundha: sangu tutug oncom, uga dipuncekak Nasi T.O.) inggih punika dhaharan ingkang kadamel saking sekul ingkang dipuncampuri oncom. Anggènipun nyawisaken dhaharan punika padatanipun nalika tasih anget.

Miturut basanipun, tembung tutug wonten ing basa Sundha punika ateges 'numbuk'. Lelampahan ngudhak utawi numbuk sekul kaliyan oncom punika dados nama dhaharan punika.

Sega tutug oncom punika dados dhaharan ingkang mirunggan saking Tasikmalaya. Tutug oncom punika saged dipundamel dados angsal-angsal lan sapunika sampun wonten tutug oncom instan ingkang saged awet dumugi pinten-pinten wulan tanpa ngginakaken bahan pangawèt.