Wingko babat

Wingko
Wingko babat
Panggonan asalIndonesia
Tlatah utawa prajaJawa
Buku masakan: Wingko  Médhia: Wingko

Wingko utawi asring dipunsebat Wingko babat inggih punika dedhaharan tradhisional khas Indonesia[1]. Wingko punika jinising kuwe ingkang didamel saking krambil lan bahan-bahan sanèsipun. Wingko kaloka wonten ing pasisir lèr pulau Jawa|Jawa. Kuwe punika asring disade wonten stasiun, terminal utawi toko-toko kuwe[1]. Wonten ing pulau Jawa, wingko asring damel olèh-olèh kaluwargi, mila ndadosakèn kuwe punika kaloka[1].

Wingko limrahipun awujud bunder lan radi atos sarta biyasa dipunsajekakèn anget lan diiris alit-alit. Wingko saged disade bunder ageng utawi alit-alit lan dibungkus nganggé kertas[2]. Campuran gendis lan krambil ndadosaken rasanipun eca[2].

Wingko ingkang paling misuwur inggih punika wingko ingkang saking Semarang[2]. Punika njalari kathah tiyang ngira manawi wingko punika saking Semarang[3]. Mila makaten, sajatosipun wingko babat asalipun saking Babat, laladan alit ing Lamongan, Jawi wétan. Babat dumunung wonten ing caketing Bojonegoro, Jawa wétan[3].

Sapunika wingko punika dedhaharan kaloka ing Babat lan Semarang[4]. Wingko saged pinanggih wonten jalan Pandanaran, Stasiun Tawang, Stasiun Poncol lan pusat sadean Wingko Babat ing Jalan Cendrawasih[4]. Kathah wingko ingkang taksih ngginakakèn nama Tionghoa|Tionghoa[5]. Wingko babat wonten manéka warna rasa inggih punika coklat, durèn, nangka lan liya-liyanè[5].

Cathetan suku

[besut | besut sumber]
  1. ↑ a b c "id.shvoong.com". Diarsip saka sing asli ing 2011-02-09. Dibukak ing 2011-06-05.
  2. ↑ a b c "www.sedapnikmat.com". Diarsip saka sing asli ing 2011-04-11. Dibukak ing 2011-06-05.
  3. ↑ a b dgi-indonesia.com
  4. ↑ a b "www.budayajateng.com". Diarsip saka sing asli ing 2022-08-13. Dibukak ing 2011-06-05.
  5. ↑ a b "semarang.go.id". Diarsip saka sing asli ing 2011-04-11. Dibukak ing 2011-06-05.

Pranala njaba

[besut | besut sumber]