კახაბერ გოგიჩაიშვილი

სხვა მნიშვნელობებისთვის იხილეთ გოგიჩაიშვილი.

კახაბერ გოგიჩაიშვილი

პირადი მონაცემები
სრული სახელი	კახაბერ გოგიჩაიშვილი
დაბადების თარიღი	31 ოქტომბერი, 1968 (1968-10-31) (56 წლის)
დაბადების ადგილი	თბილისი, საქართველოს სსრ
სიმაღლე	176 სმ
სათამაშო პოზიცია	ნახევარმცველი, თავდამსხმელი
ახალგაზრდული კარიერა
1986–1987	შევარდენი თბილისი
პროფესიონალური კარიერა*
წლები	გუნდი	მატჩი	(გოლი)
1988–1991	დინამო თბ.	90	(14)
1991–1992	გურია	26	(3)
1992–1994	შევარდენი-1906	59	(25)
1994–1995	სამტრედია	28	(11)
1995–1997	დინამო თბ.	49	(24)
1998	ჰაპოელი	12	(1)
1998	ლოკომოტივი ნ-ნ.	4	(0)
1998–1999	დინამო თბ.	6	(1)
1999–2002	ლოკომოტივი თბ.	71	(11)
2002–2003	მერანი-ოლიმპი	7	(0)
სულ		352	(89)
ეროვნული ნაკრები
1992–2000	საქართველო	27	(1)
სამწვრთნელო კარიერა
2013–2014	დინამო თბილისი (დუბლები)
2014–2015	დინამო თბილისი
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

კახაბერ (კახი) გოგიჩაიშვილი (დ. 31 ოქტომბერი, 1968, თბილისი) — ქართველი და საბჭოთა ფეხბურთელი და ფეხბურთის მწვრთნელი. თამაშობდა ნახევარმცველისა და თავდამსხმელის პოზიციაზე. საბჭოთა კავშირის სპორტის ოსტატი (1989).

კარიერა

საკლუბო

საკლუბო დონეზე თამაშობდა ქართულ კლუბებში: თბილისის „დინამო“, „ლოკომოტივი“, „მერანი“ და „შევარდენი-1906“-ში, ასევე გამოდიოდა „სამტრედიაში“. ნათამაშები აქვს ორ უცხოურ კლუბში, აშკელონის „ჰაპოელში“ და ნიჟნი-ნოვგოროდის „ლოკომოტივში“.

1989 წლის 27 ოქტომბერს თბილისის „დინამო“ საბჭოთა კავშირის ჩემპიონატებში ნათამაშები 1424 მატჩიდან უკანასკნელს, 1424-ე შეხვედრას ატარებდა, თბილისელები საბჭოთა კავშირის პირველობას იმ გუნდთან თამაშით დაემშვიდობნენ, რომელთან პაექრობითაც დაიწყეს ჩემპიონატში მონაწილეობა — კიევის „დინამოსთან“, უკრაინის დედაქალაქში ჩატარებული შეხვედრა, ისევე როგორც 1936 წლის 7 სექტემბერს, ფრედ 2–2 დასრულდა. დინამოელთაგან გოლები კახი გოგიჩაიშვილმა (პენალტით) და თემურ ქეცბაიამ გაიტანეს.

სანაკრებო

1992–2000 წლებში ეროვნულ ნაკრებში ჩატარებული აქვს 27 მატჩი. გაიტანა 1 გოლი 1992 წელს, თერთმეტმეტრიანი აზერბაიჯანის წინააღმდეგ. შეხვედრა საქართველომ 6–3 მოიგო (ეს იყო აზერბაიჯანის პირველი საერთაშორისო მატჩი).

სამწვრთნელო

პროფესიონალური კარიერის დასრულების შემდეგ სამწვრთნელო სამუშაოზეა. 2013–14 წლების სეზონში წვრთნიდა „დინამოს“ დუბლშემადგენლობას, რომელთან ერთადაც 2014 წლის ივლისში შეძლო პრესტიჟული ახალგაზრდული ტურნირის, „რურის თასის“ მოგება, ნახევარფინალში მენხენგლადბახის „ბორუსიას“ შემდეგ, გუნდმა ფინალში თურქული „გალათასარაი“ დაამარცხა.^[1][2] სარეზერვო გუნდში წარმატების შემდეგ მალევე დაინიშნა „დინამოს“ მთავარი გუნდის მწვრთნელად.^[3] მას შემდეგ რაც ევროტურირებზე ცუდად გამოსვლის შემდეგ მიხალ ბილეკი და მასთან ერთად 10 ფეხბურთელი გუნდიდან წავიდა, გოგიჩაიშვილს დაევალა გუნდის გაახალგაზრდავება, რასაც თავი წარმატებით გაართვა და ზამთრის შესვენებაზე გუნდი უმაღლეს ლიგაში დაკავებული პირველი ადგილით გავიდა. 2014 წლის 11 დეკემბერს „დინამომ“ მისი ხელმძღვანელობით შეძლო საქართველოს სუპერთასის მოპოვება.^[4] 2015 წლის მაისში, 2014–15 წლების სეზონის ბოლო მატჩამდე, მისი ადგილი გია გეგუჩაძემ დაიკავა, მიუხედავად იმისა, რომ თასის ფინალი „დინამომ“ ახალი მწვრთნელის მეთაურობით მიიღო, კახა გოგიჩაიშვილს და მის სამწვრთნელო შტაბს სათასო მედლები მაინც გადაეცათ.

მიღწევები

მოთამაშის

• უმაღლესი ლიგა ჩემპიონი (5): 1990, 1991, 1995/1996, 1996/1997 1998/1999
• უმაღლესი ლიგა მეორე ადგილი (4): 1992/1993, 1994/1995, 2000/2001, 2001/2002
• საქართველოს თასის გამარჯვებული (4): 1995/1996, 1996/1997, 1999/2000, 2001/2002
• საქართველოს თასის ფინალისტი (1): 2000/2001
• საქართველოს სუპერთასის გამარჯვებული (2): 1996/1997, 1997/1998

მწვრთნელის

• საქართველოს სუპერთასის გამარჯვებული (1): 2014/2015

რესურსები ინტერნეტში

• კახაბერ გოგიჩაიშვილი — ფიფას ჩანაწერი^{[დაარქივებული]}
• პროფილი Soccerway-ზე (ინგლისური)
• პროფილი Transfermarkt-ზე (ინგლისური)
• პროფილი National-football-teams.com-ზე (ინგლისური)
• პროფილი დინამოს ოფიციალურ საიტზე (ქართული ენა)

სქოლიო

1. დინამო რურის თასის მფლობელია, „დინამოს“ ოფიციალური საიტი, 27 ივლისი, 2014.
2. გამარჯვებულები თბილისში დაბრუნდნენ, „დინამოს“ ოფიციალური საიტი, 28 ივლისი, 2014.
3. კახი გოგიჩაიშვილი დინამოს მთავარი მწვრთნელია, „დინამოს“ ოფიციალური საიტი, 30 ივლისი, 2014.
4. დინამომ სუპერთასი მოიგო, „დინამოს“ ოფიციალური საიტი, 11 დეკემბერი, 2014.