მუხაესტატე

სოფელი
მუხაესტატე
ქვეყანა	საქართველო
ავტონომიური რესპუბლიკა	აჭარის ავტონომიური რესპუბლიკააჭარის ავტონომიური რესპუბლიკა
მუნიციპალიტეტი	ქობულეთის მუნიციპალიტეტი
თემი	მუხაესტატე
კოორდინატები	41°50′31″ ჩ. გ. 41°51′59″ ა. გ. / 41.84194° ჩ. გ. 41.86639° ა. გ. / 41.84194; 41.86639
ცენტრის სიმაღლე	80 მ
ოფიციალური ენა	ქართული ენა
მოსახლეობა	2045[1] კაცი (2014)
ეროვნული შემადგენლობა	ქართველები 99,2 %, რუსები 0,5 %
სასაათო სარტყელი	UTC+4
სატელეფონო კოდი	+995
საქართველო აჭარის ავტონომიური რესპუბლიკა ქობულეთის მუნიციპალიტეტი

მუხაესტატე — სოფელი საქართველოში, აჭარის ავტონომიური რესპუბლიკის ქობულეთის მუნიციპალიტეტში, თემის ცენტრი (სოფელი მუხაესტატე). მდებარეობს მესხეთის ქედის მთისწინეთში, მდინარე აჭყვის მარცხნივ, ზღვის დონიდან 80 მ., ქობულეთიდან 7 კმ. სოფელში გადის ქობულეთი-ოზურგეთი-საჯავახოს საავტომობილო გზა.

სახელწოდება

გადმოცემის თანახმად სოფლის სახელწოდება დაკავშირებულია ტყვეთა სყიდვასთან. ჭანიეთელი გლეხი ესტატე ბავშვებს იტაცებდა და ოსმალეთში ჰყიდდა. ერთხელ, როდესაც მუშტარი დათქმულ ადგილას არ დახვდა, მან ბავშვი მუხაზე მიაბა და ხეზე კი სახელი ესტატე ამოკაწრა, რათა მყიდველს გაეგო ბავშვი ვინ მიუყვანა და ფული ხის ფუღუროში დაეტოვებინა. წლების შემდეგ ესტატეს მღვდლისთვის აღსარებაში გაუნდია ეს ამბავი და ადგილიც დაუსახელებია. ხალხში ეს ამბავი გავრცელდა და ადგილს მუხაესტატე დაერქვა.^[2]

ისტორია

1877-1878 წლების რუსეთ-ოსმალეთის ომის დროს აქ გაჩნდა ვაჭარ-მიკიტანთა დასახლება დუქნებით და ფარდულებით.^[3]

საბჭოთა პერიოდში მუხაესტატეს სასოფლო საბჭოში შედიოდა ასევე სოფლები ზენითი, ალამბარი და ზედა კონდიდი. განვითარებული იყო მეჩაიეობა და მეციტრუსეობა, მოქმედებდა ჩაის ფაბრიკა.

დემოგრაფია

2014 წლის აღწერის მონაცემებით სოფელში ცხოვრობს 2045 კაცი^[1].

აღწერის წელი	მოსახლეობა
2002	1974[4][5]
2014	2045[1]

ლიტერატურა

• ქართული საბჭოთა ენციკლოპედია, ტ. 7, თბ., 1984. — გვ. 228.

სქოლიო

1. ↑ მოსახლეობის 2014 წლის აღწერა (არქივირებული). საქართველოს სტატისტიკის ეროვნული სამსახური (ნოემბერი 2014). ციტირების თარიღი: 30 დეკემბერი 2019.
2. დურმიშხან ცინცაძე, „ლეგენდა მუხაესტატეზე“ — „ლიტერატურული აჭარა“ N3, 1959 წ.
3. ფრენკელი ა., „ნარკვევები ჩურუქ-სუსა და ბათუმზე“ = Очерки Чурук-Су и Батума [1879], თბილისი, 2012. — გვ. 32.
4. pop-stat.mashke.org — საქართველოს დასახლებული პუნქტების მოსახლეობა. დაარქივებულია ორიგინალიდან — 2012-04-19. ციტირების თარიღი: 2016-06-05.
5. საქართველოს სტატისტიკის სახელმწიფო დეპარტამენტი — სოფლების მოსახლეობა 2002 წელი. დაარქივებულია ორიგინალიდან — 2013-09-19. ციტირების თარიღი: 2012-07-05.