Out of Myself — პოლონური პროგრესული როკ-ჯგუფ Riverside-ის სადებიუტო სტუდიური ალბომი. იგი გამოვიდა 2004 წლის 21 სექტემბერს[1], თუნდაც მანამდე გამოსული იყო 2003 წელს, ლეიბლზე The Laser's Edge[1]. 'Out of Myself აგრეთვე მოხვდა ბოქს-სეტში, რომელშიც შესულია ალბომები Second Life Syndrome და Rapid Eye Movement.[2]
ჯგუფის სადებიუტო ალბომი კრიტიკოსებმა დადებითად შეაფასეს. MetalCrypt-ის ბრიუს დრეგონჩეისერი წერდა, რომ იგი იყო „იშვიათი მშვენიერება“.[3] Dutch Progressive Rock Page-ის მიმოხილველი დრის დოკტორი აღნიშნავდა, რომ ყურადღება, რომელიც ამ სადებიუტო ალბომმა მიიქცია, დამსახურებული იყო.[4] Metal Reviews-ის მიმომხილველი ბორისი წერდა, რომ თავს ბედნიერად გრძნობდა, რომ ამ ალბომს წააწყდა[5]. „...ჩემი კოლექციის ერთ-ერთი საგანძურია“ – აღნიშნავდა აივორი Metal Storm-იდან.[6]
Out of Myself-ს აღწერენ, როგორც „ემოციურ მუსიკალურ მოგზაურობას“[1], „ეშმაკურად მძლავრს“, „მეტალის, არენა-როკის, გრანჟის და დაბის მსუბუქი ელემენტებითაც კი“[7]. ამავე დროს, ალბომს ეწოდა „ჯგუფის პირველი მშვიდი მოგზაურობა“[3]. აგებულს მარიუშ დუდას ბას-გიტარაზე, ალბომის მუსიკას აგრეთვე განსაზღვრავს იაცეკ მელნიცკის კლავიშებიანი საკრავებით შექმნილი ატმოსფერო და პიოტრ გრუძინსკის წამყვანი გიტარის „ხანგრძლივი, ცრემლებიანი, გიტარების გაწელილი ნოტები“.[4]
ყველა ტექსტის ავტორი — მარიუშ დუდა; მუსიკა — Riverside.
|
| 1. | „The Same River“ | 12:01 |
| 2. | „Out of Myself“ | 3:43 |
| 3. | „I Believe“ | 4:14 |
| 4. | „Reality Dream“ (ინსტრუმენტული) | 6:15 |
| 5. | „Loose Heart“ | 4:50 |
| 6. | „Reality Dream II“ (ინსტრუმენტული) | 4:45 |
| 7. | „In Two Minds“ | 4:38 |
| 8. | „The Curtain Falls“ | 7:59 |
| 9. | „OK“ | 4:46 |
- Riverside
- მარიუშ დუდა – ვოკალი, ბას-გიტარა, აკუსტიკური გიტარა
- პიოტრ გრუძინსკი – წამყვანი და რიტმული გიტარები
- იაცეკ მელნიცკი – კლავიშებიანი საკრავები
- პიოტრ კოზერადსკი – დასარტყმელი საკრავები, პერკუსია
- მიწვეული პერსონალი
- ქშიშტოფ მელნიცკი – ტრომბონი (9)
- ტექნიკური პერსონალი
- არანჟირება, პროდიუსინგი – Riverside
- ჩაწერა, ხმის ინჟინერი – იაცეკ მელნიცკი
- ხმის მიქსი – რობერტ და მაგდა სრეცნიცკები
- მასტერინგი – გჟეგოშ პივკოვსკი
|
|---|
| | | | სტუდიური ალბომები | |
|---|
| | საკონცერტო ალბომები | |
|---|
| | კომპილაციები | |
|---|
| | EP-ები | |
|---|
| | სინგლები | |
|---|
|
