ბორითი

სოფელი
ბორითი
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	ხარაგაულის მუნიციპალიტეტი
თემი	ბორითი
კოორდინატები	42°06′46″ ჩ. გ. 43°16′12″ ა. გ. / 42.11278° ჩ. გ. 43.27000° ა. გ. / 42.11278; 43.27000
ცენტრის სიმაღლე	480 მ
ოფიციალური ენა	ქართული ენა
მოსახლეობა	557[1] კაცი (2014)
ეროვნული შემადგენლობა	ქართველები 99,5 %
სასაათო სარტყელი	UTC+4
სატელეფონო კოდი	+995
საქართველო იმერეთის მხარე
ბორითი ვიკისაწყობში

ბორითი — სოფელი საქართველოში, იმერეთის მხარის ხარაგაულის მუნიციპალიტეტში. თემის ცენტრი (სოფლები: ამაშუკეთი, ერეთა, ვაშლევი, კვესრევი, მაქათუბანი, საქასრია, უბისი).

მდებარეობს მდინარე ძირულის მარჯვენა ნაპირზე. ზღვის დონიდან 480 მეტრი, ხარაგაულიდან 28 კილომეტრი. სოფელში არის სამკურნალო გოგირდოვანი წყალი. სოფელში არის საბავშვო ბაღი, საჯარო სკოლა,^[2] ბიბლიოთეკა.^[3]

დემოგრაფია

2014 წლის აღწერის მონაცემებით სოფელში ცხოვრობს 557 ადამიანი.

აღწერის წელი	მოსახლეობა	კაცი	ქალი
2002[4]	784	376	408
2014[1]	557	278	279

ეტიმოლოგია

სოფლის სახელწოდების შესახებ არსებობს თქმულება: იმ ტერიტორიაზე, სადაც ახლა სოფელია, ხშირფოთლოვანი ტყე ყოფილა. ტყეში მრავლად ბუდობდა არწივის მსგავსი დიდი ფრინველი — ბორა. დროთა განმავლობაში ტყე გაჩეხილა და ფრინველის რაოდენობაც შემცირებულა. სწორედ ამ ფრონველის სახელიდან წარმოშობილა სოფლის სახელწოდება „ბორ-ით-ი“. სახეწოდებას სოფლის მდებარეობაც ამართლებს. იგი გაშლილია ულამაზეს გორაზე და ფრთაგაშლილ ფრინველს მოგვაგონებს.

ისტორიული ადგილები

სოფელ ბორითში, მდინარის მარცხენა ნაპირზე, სოფლის სასაფლაოზე დგას ბორითის სავანის წმინდა გიორგის ეკლესია (IX-X სს). იგი მოხატული ყოფილა ფრესკებით. ეკლესიის ზარი 40 კგ-ს იწონიდა, მისი ხმა უბისის მონასტრამდე აღწევდა. XX საუკუნის 40-იან წლებში ზარი მოუპარავთ. საბჭოთა წყობილების დროს ეკლესია მიწასთან გაუსწორებიათ, ეკლესიის ქვით ჯერ აბანო, შემდეგ კი სოფლის საავადმყოფო აუგიათ, მოგვიანებით ქვა დაბრუბებულ იქნა ტაძარში და გამოიყენეს მისი აღდგენისათვის.

• 
  ბორითის სავანის წმინდა გიორგის ეკლესია
• 
  ცხვრის თავის ქანდაკება დასავლეთ ფასადზე
• 
  ასომთავრული წარწერები
• 
  ასომთავრული წარწერები
• 
  ეკლესიის ახალი ზარი

ბორითში მდებარეობს ავტოავარიის შედეგად ტრაგიკულად გარდაცვლილი, საქართველოს ეროვნული გმირის მერაბ კოსტავას მემორიალი (42°06′28″ ჩ. გ. 43°15′42″ ა. გ. / 42.10778° ჩ. გ. 43.26167° ა. გ. / 42.10778; 43.26167). დღეს მის თავზე ჩქაროსნული ესტაკადა გადის.

• 
  გზის პირას მდგარი მემორიალი
• 
  მემორიალის წარწერები
• 
  მემორიალის წარწერები
• 
  მემორიალის წარწერები
• 
  ავტოავარიის ადგილი

ლიტერატურა

• ქართული საბჭოთა ენციკლოპედია, ტ. 2, თბ., 1977. — გვ. 471.

სქოლიო

1. ↑ მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). ციტირების თარიღი: 7 ნოემბერი, 2016.
2. სსიპ საგანმანათლებლო და სამეცნიერო ინფრასტრუქტურის განვითარების სააგენტო^{[მკვდარი ბმული]}
3. ხარაგაულში 12 სასოფლო ბიბლიოთეკის ფუნქციონირება აღდგა^{[მკვდარი ბმული]}
4. საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II