გლუვი ხოჭოები (ლათ. Phalacridae) — ხოჭოების ოჯახი ნაირმჭამელი ხოჭოების ქვერიგისა. სხეული ოვალური ან მრგვალი, სარკისებრი, გლუვი და მბრწყინავია, ზემოდან ამოზნექილი, ქვემოდან ბრტყელი, სიგრძეში 1–4 მმ. შეფერილობა შავი ან მურაა, ფრთების ზედა მიდამო ზოგჯერ ღია ლაქებით. აერთიანებს 500–600 სახეობას. გავრცელებული არიან ყველა კონტინენტზე (ანტარქტიდის გარდა). გვხვდებიან ყვავილებში, იკვებებიან ყვავილის მტვრით. მატლები ვითარდებიან რთულყვავილოვანთა ყვავილედებში — ყვავილის ნასკვებში, თესლებში, ჟანგა სოკოებით დაზიანებულ მარცვლოვანთა თავთავებში.[1][2]
