| ვიოლეტა ბერმუდესი | |
| პერუს პრემიერ-მინისტრი | |
|---|---|
| თანამდებობაზე ყოფნის დრო | |
| 18 ნოემბერი, 2020 – 28 ივლისი, 2021 | |
| პრეზიდენტი | ფრანსისკო საგასტი |
| წინამორბედი | ანტერო ფლორეს არაოსი |
| მემკვიდრე | გიდო ბელიიდო |
| დაბადებული | 12 აგვისტო, 1961 ლიმა, პერუ |
ვიოლეტა ბერმუდესი (ესპ. Violeta Bermúdez; დ. 12 აგვისტო, 1961, ლიმა, პერუ) — პერუელი იურისტი, მწერალი და დიპლომატი. პერუს პრემიერ-მინისტრი 2020 წლის 18 ნოემბრიდან[1]. მანამდე იგი მუშაობდა აშშ-ის საერთაშორისო განვითარების სააგენტოში და პრეზიდენტ ალეხანდრო ტოლედოს და პრემიერ-მინისტრის ბეატრის მერინოს კაბინეტებში.
1997-2002 წლებში მუშაობდა ადამიანის უფლებების კოორდინატორად აშშ-ის საერთაშორისო განვითარების სააგენტოში[2]. 2002 წლის 24 იანვარს, ალეხანდრო ტოლედოს პრეზიდენტობის დროს დანიშნეს ქალთა და სოციალურად დაუცველი მოსახლეობის მინისტრის მოადგილედ[2].
2003 წლის ივლისიდან დეკემბრამდე იგი იყო პრემიერ-მინისტრ ბეატრის მერინოს მრჩეველთა კაბინეტის უფროსი[3].
2020 წლის 18 ნოემბერს პერუს დროებითმა პრეზიდენტმა ფრანსისკო საგასტიმ დანიშნა პრემიერ-მინისტრად[4]. იგი ამ თანამდებობაზე მეხუთე ქალია პერუს ისტორიაში, ბეატრის მერინოს, როსარიო ფერნანდესის, ანა ხარასა და მერსედეს არაოსის შემდეგ[5].