თიმლიჩ-ოჰინგა

თიმლიჩ-ოჰინგა*
იუნესკოს მსოფლიო მემკვიდრეობის ძეგლი
ქვეყანა	კენია
ტიპი	კულტურული
კრიტერიუმები	iii, iv, v
სია	[1]
რეგიონი**	აფრიკა
კოორდინატები	0°53′28″ ს. გ. 34°15′08″ ა. გ. / 0.89111° ს. გ. 34.25222° ა. გ. / -0.89111; 34.25222
გაწევრიანების ისტორია
გაწევრიანება	2018  (42-ე სესია)
ნომერი	1450
* იხ. ინგლ. სახელი UNESCO-ს სიაში. ** იუნესკოს მიერ კლასიფიცირებული რეგიონი.

მსოფლიო მემკვიდრეობა UNESCO, ობიექტი № 1450 ინგლ. • რუს. • ფრ.

თიმლიჩ-ოჰინგა — არქეოლოგიური ძეგლი კენიაში. მდებარეობს ქალაქ მიგორიდან ჩრდილო-აღმოსავლეთით 46 კილომეტრში, ტბა ვიქტორიის რაიონში, ნიანზის პროვინციაში. 2018 წელს შეიყვანეს იუნესკოს მსოფლიო მემკვიდრეობის ძეგლების სიაში^[1]. დაცულია ეროვნული მუზეუმებისა და მემკვიდრეობის კანონის საფუძველზე 2016 წლიდან და იმყოფება კენიის ეროვნული მუზეუმის დაქვემდებარებაში. იგეგმება ტურიზმის განვითარება^[2].

ლუოს ხალხის დოლუოს ენაზე thimlich ითარგმნება, როგორც „საშიში, გაუვალი ტყე“, ხოლო ohinga — „ქვის ნაგებობა“^[3].

თიმლიჩ-ოჰინგა გამაგრებული ქვის ნაგებობაა, რომელიც მშრალი წყობის მეთოდითაა აგებული. თარიღდება XVI საუკუნით. მეცნიერთა აზრით, თიმლიჩ-ოჰინგას იყენებდნენ თემისა და პირუტყვის დასაცავად. თიმლიჩ-ოჰინგა არის უდიდესი და საუკეთესოდ შემონახული ნიმუში არსებული ტრადიციული სამშენებლო კომპლექსებიდან^[2].

კომპლექსი შედგება ოთხი ნაგებობისაგან: Kochieng, Kakuku, Koketch, Koluoch. კედლები აგებულია სხვადასხვა ზომის სუფთად გათლილი ქვებით, დუღაბის გარეშე, კედლების სიმაღლე 1,5-დან 4,5 მ-მდე, საშუალო სისქე — 1 მ^[2].

სქოლიო

1. Sites from Kenya, Oman and Saudi Arabia inscribed on UNESCO World Heritage List
2. ↑ Thimlich Ohinga Archaeological Site. United Nations (2019). ციტირების თარიღი: 2019-10-28.
3. Maina Kiarie. Thimlich Ohinga. Enzi. ციტირების თარიღი: 2019-10-28.