კაიკარა-დელ-ორინოკო (ესპ. Caicara del Orinoco) — ქალაქი ვენესუელაში, ბოლივარის შტატში, სედანიოს მუნიციპალიტეტის ადმინისტრაციული ცენტრი. დაარსდა XVIII საუკუნის შუა ხანებში.
ამჟამად, ვენესუელის მთავრობა ქალაქში ხიდს აშენებს, მდინარე ორინოკოზე. დასრულებისას, მისი სიგრძე 2,4 კმ იქნება.
მდინარე კაიკარის მახლობლად, ალექსანდერ ჰუმბოლდტმა აღმოაჩინა გრანიტისა და გნაისზე ამოკვეთილი პეტროგლიფები. შემდგომმა გამოკვლევებმა, ამ არეალში კიდევ მრავალი პრეისტორიული პეტროგლიფის არსებობა დაადასტურა.[1]