კესელრინგის შროშანი

კესელრინგის შროშანი
კესელრინგის შროშანი
მეცნიერული კლასიფიკაცია
სამეფო:  მცენარეები კლასი:  ერთლებნიანები რიგი:  შროშანისნაირნი ოჯახი:  შროშანისებრნი გვარი:  შროშანი სახეობა:  კესელრინგის შროშანი
ლათინური სახელი
Lilium kesselringianum (Miscz., 1914)
სისტემატიკა ვიკისახეობებში სურათები ვიკისაწყობში NCBI   394526 EOL   1002590 GRIN   t:429449 IPNI   537622-1 TPL   kew-279926

კესელრინგის შროშანი (ლათ. Lilium kesselringianum) — მრავალწლოვანი ბალახოვანი მცენარე შროშანისებრთა ოჯახის (Liliaceae) შროშანის გვარისა (Lilium).

სახელწოდება

შროშანის ამ სახეობამ სახელი ბოტანიკოს ფრიდრიხ ვილჰელმ კესელრინგის (1876-1966) პატივსაცემად მიიღო, რომელმაც იგი კულტურულ მებაღეობაში დანერგა და სრულყოფილი კულტივაცია შეძლო.

აღწერა

წარმოადგენს 60-100 სანტიმეტრის სიმაღლის მრავალწლოვან ბალახოვან კულტურას. ბოლქვები კვერცხისებური აქვს. ფოთლები კი ხაზურ-ლანცეტა, მჯდომარე, რიგად გაჰყვება მთელ სიგრძეზე. ფორმა პირამიდესებური; ყვავილები მოყვითალო-ღია რძისფერი, მტვრიანები კი მუქი იისფერი აქვს.^[1] ნაყოფი კოლოფს წარმოადგენს. ყვავილობს ივნისსა და ივლისში.

გავრცელების არეალი

გავრცელებულია ჩრდილო კავკასიაში, საქართველოში, გვხვდება თურქეთის ჩრდილოეთ ნაწილშიც.^[2]

იზრდება ტყის სარტყლის მინდვრებსა და ველებზე, ისევე როგორც სუბალპური სარტყლის მაღალმთიან მდელოებზე.^[3][4]

სტატუსი

გადაშენების საფრთხის წინაშე მდგომი სახეობაა. შეტანილია წითელ წიგნში. ნადგურდება და მცირდება ძირითადად იმის გამო, რომ მის ბოლქვებს გარეული ცხოველები ჭამენ. გარდა ამისა, მებაღეები ბოლქვებს მიწიდან იღებენ ან ყვავილებს აგროვებენ თაიგულებისათვის, რაც სახეობას ასევე მნიშვნელოვან საფრთხეს უქმნის.

რესურსები ინტერნეტში

• Plantarium, Lilium kesselringianum Miscz., Описание таксона numerous color photos; captions in Russian

სქოლიო

1. Ornamental Plants From Russia And Adjacent States Of The Former Soviet Union Lilium kesselringianum Miscz.
2. Kew World Checklist of Selected Plant Families^{[მკვდარი ბმული]}
3. Misczenko, Pavel Ivanovich 1914. Trudy Byuro po Prikladnoi Botanike 7:251.
4. Tropicos, Lilium kesselringianum Miscz.