მაჩალილა — პრეისტორიული კულტურა ეკვადორში, მანაბის პროვინციის სამხრეთით, სანტა-ელენას ნახევარკუნძულზე. პერიოდი, როდესაც კულტურა ყვაოდა უცნობია, მაგრამ, როგორც წესი, შეთანხმდნენ, რომ მისი არსებობა მოიცავს ძვ.წ. 1500 — 1100 წლებს. [1]
მაჩალილა სოფლის მეურნეობის მიმდევარი ხალხი იყო, რომლებიც ასევე დაკავებული იყვნენ თევზაობით და ნადირობით. ეკვადორის სანაპიროს მცხოვრები, მრავალი პრეისტორიული კულტურის მსგავსად, მაჩალილას ხალხმა პრაქტიკაში გამოიყენა თავის ქალის ხელოვნური დეფორმაცია ქვების გამოყენებით დასაგრძელებლად.[2]
არქეოლოგები ყურადღებას ამახვილებენ მაჩალილას უჩვეულო სასაფლაოებზე, რომლებშიც სხეულები დაკრძალულია კუს კერამიკული ბაკანის ქვეშ, [3] და ზოგადად მათ კერამიკულ ნამუშევრებზე, რაც ხელოვნებაში, მხატვრული და ტექნოლოგიური წინსვლის მაჩვენებელი იყო. [4] მაჩალილას განსახლების ტერიტორიების გათხრებისას, არქეოლოგებმა აღმოაჩინეს კერამიკული ქოთნები, სასტვენები, სასანთლეები და ადამიანის ფიგურები.
კულტურის არსებობის პერიოდი გაურკვეველია. ზოგჯერ მიიჩნევა, რომ ის არსებობდა ძვ. წ. 1800 წლის დასაწყისიდან ძვ. წ. 800 წლამდე.[3][4] შესაბამისი თარიღის დადგენის ერთ-ერთი პრობლემა კულტურული შეწყვეტის მეთოდია. არქეოლოგების ბეტი მეგერსისა და კლიფორდ ევანზის აზრით, მაჩალილას კულტურა ჩაანაცვლა მესოამერიკულ კულტურებთან კონტაქტში მყოფმა ხალხმა, სანამ იგი შეერეოდა ჩორერას კულტურას.[5]
გუაიაკილის უნივერსიტეტში (UEES), ეკვადორში, არის მაჩალილას ნიმუშების კოლექცია.
<ref> tag; name "exploring" defined multiple times with different content; $2
<ref> tag; name "cultural" defined multiple times with different content; $2