მერაბ დვალიშვილი

მერაბ დვალიშვილი
საერთო ინფორმაცია
მოქალაქეობა საქართველოს დროშა საქართველო
ეროვნება ქართველი
დაიბადა 10 იანვარი, 1991 (1991-01-10) (34 წლის)
თბილისი, საქართველო
წონის კატეგორია ზემსუბუქი წონა
სიმაღლე 168 სმ
მწვრთნელი რეი ლონგო, მეტ სერა
პრომოუტერი UFC
პროფესიონალური კარიერა
ბრძოლა 22
მოგება 18
მოგება ნოკაუტით 3
წაგება 4
სხვა ინფორმაცია
საიტი https://www.ufc.com/athlete/merab-dvalishvili

მერაბ დვალიშვილი (დ. 10 იანვარი, 1991) — ქართველი შერეული საბრძოლო ხელოვნების (MMA) მებრძოლი, რომელიც ამჟამად იბრძვის აბსოლუტურ საბრძოლო ჩემპიონატში (UFC). UFC-ის ზემსუბუქი წონის მოქმედი ჩემპიონი.

საწყისი წლები

[რედაქტირება | წყაროს რედაქტირება]

მერაბ დვალიშვილი ვანის რაიონის სოფელ სულორში იზრდებოდა, სწავლობდა სულორის საშუალო სკოლაში, მოგვიანებით სწავლა განაგრძო თბილისში.[1][2][3][4] ახალგაზრდულ ასაკში დაიწყო ვარჯიში ქართულ ჭიდაობაში, სამბოსა და ძიუდოში. 21 წლის ასაკში საცხოვრებლად გადავიდა აშშ-ში და გახდა პროფესიონალური შერეული ორთაბრძოლების მებრძოლი. მისი მწვრთნელები არიან რეი ლონგო და მატ სერა.

2019 წელს დვალიშვილმა სამბოს მსოფლიო ჩემპიონატზე, 68კგ წონით კატეგორიაში დაიკავა მეორე ადგილი. ის ფინალში რუს სტეფან კობენოვთან დამარცხდა.[5]

UFC

[რედაქტირება | წყაროს რედაქტირება]

მისი დებიუტი UFC-ში 2017 წლის 9 დეკემბერს, ფრენკი საენზის წინააღმდეგ შედგა. შეხვედრაში მსაჯთა გადაწყვეტილებით საენზმა გაიმარჯვა.[6][7]

მერაბ დვალიშვილმა ბოლოს წინა ბრძოლა UFC-ში 2024 წლის 18 თებერვალს, ჰენრი სეხუდოს წინააღმდეგ გამართა და მსაჯების გადაწყვეტილებით, ზედიზედ მე-10 გამარჯვება მოიპოვა.[8]

2024 წლის 14 სექტემბერს, დაამარცხა მოქმედი ჩემპიონი შონ ო’მალი და ზემსუბუქი წონის ჩემპიონი გახდა.[9]

2025 წლის 18 იანვარს მერაბ დვალიშვილმა UFC-ის ზემსუბუქი წონის საჩემპიონო ქამარი შეინარჩუნა, როდესაც რუსეთის სახელით მოასპარეზე მანამდე დაუმარცხებელი უმარ ნურმაგომედოვი მსაჯთა ერთსულოვანი გადაწყვეტილებით დაამარცხა. ამასთან, ქართველმა მებრძოლმა ჟორჟ სენ-პიერის რეკორდი გააუმჯობესა, მას UFC-ის ისტორიაში მეტოქე მიწაზე (თეიქდაუნი) ყველაზე მეტჯერ, 92-ჯერ ჰყავს გადაყვანილი.

მერაბ დვალიშვილმა შერეულ ორთაბრძოლებში გამართული 23 შეხვედრიდან 19 მოიგო და 4 დათმო. უმარ ნურმაგომედოვთან მოპოვებული გამარჯვება მისთვის ზედიზედ მე-12 იყო.[10]

ფაქტები

[რედაქტირება | წყაროს რედაქტირება]
  • 2025 წლის 18 იანვარს მერაბ დვალიშვილმა უმარ ნურმაგომედოვის წინააღმდეგ საჩემპიონო ქამარი დაიცვა. MMAfighting.com-ის ცნობით, ქართველმა ჩემპიონმა გამოიმუშავა $500 000, ამ თანხას დაემატა საღამოს საუკეთესო ბრძოლის $50 000-იანი ბონუსი.[11]

რესურსები ინტერნეტში

[რედაქტირება | წყაროს რედაქტირება]

სქოლიო

[რედაქტირება | წყაროს რედაქტირება]
  1. ↑ „მოჩხუბარაძიდან“ „ცუკერას გლადიატორამდე“ - რას ჰყვება მერაბ დვალიშვილის მასწავლებელი - kvirispalitra.ge
  2. ↑ დვალიშვილი: სოფელში გავიზარდე, მიზანი დავისახე, მსურს სამაგალითო ვიყო - crystalsport.ge
  3. ↑ მერაბის ცხოვრება ერთი დიდი კინოა, რომლის პირველი სერია ვანში დაიწყო, თბილისში გაგრძელდა, ახლა კი ნიუ იორკის სერია გადის...“- რას წერს გოგა ჩანადირი მერაბ დვალიშვილზე
  4. ↑ ვანის მერის ოფიციალური ფეისბუკ გვერდი
  5. ↑ Blaine Henry. (October 7, 2020) Stepan Kobenov: Combat Sambo World Champion. Fight-Library.com.
  6. ↑ LI’s Dvalishvili to debut at UFC Fresno en. დაარქივებულია ორიგინალიდან — 2021-03-01. ციტირების თარიღი: 2020-11-06.
  7. ↑ UFC Fight Night 123 results: Frankie Saenz outworks Merab Dvalishvili for split decision en (10 December 2017).
  8. ↑ „მერაბ დვალიშვილმა ჰენრი სეხუდო მსაჯების გადაწყვეტილებით დაამარცხა #1TVSPORT“. 1tv.ge. ციტირების თარიღი: 18 თებერვალი, 2024. შეამოწმეთ თარიღის პარამეტრი |access-date=-ში (დახმარება)
  9. ↑ „მერაბ დვალიშვილმა ჰენრი სეხუდო მსაჯების გადაწყვეტილებით დაამარცხა #1TVSPORT“. 1tv.ge. ციტირების თარიღი: 14 სექტემბერი, 2024. შეამოწმეთ თარიღის პარამეტრი |access-date=-ში (დახმარება)
  10. ↑ მერაბ დვალიშვილმა უმარ ნურმაგომედოვი დაამარცხა და UFC-ის ჩემპიონის ქამარი შეინარჩუნა
  11. ↑ რა თანხა გამოიმუშავა მერაბ დვალიშვილმა UFC 311-ზე