ნიკოლოზ დერიუგინი

ნიკოლოზ დერიუგინი
ნიკოლოზ ალექსანდრეს ძე დერიუგინი
დინამო თბილისი
პირადი ინფორმაცია
დაიბადა	30 აპრილი, 1959 (1959-04-30) (65 წლის) ქუთაისი, საქართველოს სსრ, სსრ კავშირი
ეროვნება	ქართველი
სიმაღლე	206 სმ
წონა	105 კგ
კარიერა
პროფესიონალური კარიერა	1977–1996
კარიერის ისტორია
1977–1985	დინამო თბილისი

ნიკოლოზ ალექსანდრეს ძე დერიუგინი (დ. 30 აპრილი, 1959, ქუთაისი) — ქართველი და საბჭოთა კალათბურთელი. საბჭოთა კავშირის სპორტის დამსახურებული ოსტატი (1982). ღირსების ორდენის კავალერი.^[1][2]

ბიოგრაფია

დაამთავრა თბილისის სახელმწიფო უნივერსიტეტი. თამაშობდა თბილისის „დინამოში“ (1975–1985), „თბილისში“ (1991–1992), უნგრეთის მაფც-ში (1992–1993), თბილისის „ვითაში“ (1993–1994), თბილისის სდასუ-სა (1994–1995) და სლოვაკეთის „სლოვაკო ფარმაში“ (1995–1996).

იცავდა სსრ კავშირის (1978–1985) და საქართველოს (1995–1996) ეროვნული ნაკრები გუნდების ღირსებას. მოსკოვის ოლიმპიური თამაშების მესამე პრიზიორი (1980), მსოფლიოს (1982) და ევროპის (1981) ჩემპიონი, საკონტინენტთაშორისო თასის ორგზის მფლობელი (1978, 1979). 1993–1994 წლების სეზონის მიხედვით საქართველოს საუკეთესო კალათბურთელად დასახელდა.

2019 წლის 30 აპრილს, ნიკოლოზ დერიუგინის 60 წლის იუბილესთან დაკავშირებით, თბილისის ოლიმპიურ სასახლეში ამხანაგური შეხვედრა გაიმართა საქართველოს ვეტერანთა ნაკრებს და საკალათბურთო კლუბ მოსკვას (რუსეთი) ვეტერანთა გუნდს შორის. მატჩი მასპინძელთა გამარჯვებით დასრულდა — 80:67.^[3]

საერთო შედეგები

სახეობა	ადგილმდებარეობა	ტურნირი	ადგილი
კალათბურთი	საფრანგეთი	ევროპის ჩემპიონატი 1983	03 
კალათბურთი	ჩეხოსლოვაკია	ევროპის ჩემპიონატი 1981	01 
კალათბურთი	კოლუმბია	მსოფლიო ჩემპიონატი 1982	01 
კალათბურთი	სსრ კავშირი	ზაფხულის XXII ოლიმპიური თამაშები 1980	03 

საინტერესო ფაქტები

1982 წლის დეკემბერში სპორტულმა ჟურნალისტებმა და სპეციალისტებმა ნიკოლოზ დერიუგინი საქართველოს მეცხრე საუკეთესო სპორტსმენად დაასახელეს.^[4]

1983 წლის დეკემბერში საქართველოს სპორტულ ჟურნალისტთა ფედერაციამ წინასაახალწლო ტრადიციული გამოკითხვის შედეგების მიხედვით დაადგინა საქართველოს 1983 წლის 10 საუკეთესო სპორტსმენი. საქართველოს № 9 სპორტსმენად (36 ქულა) დასახელდა ნიკოლოზ დერიუგინი (მწვრთნელი ლ. მოსეშვილი).^[5]

პერიოდიკა

• ვინ იცავს „დინამოს“ ღირსებას? // „ლელო“, 5 ოქტომბერი, 1980, № 193 (6754), გვ. 2.
• კიკილაშვილი, ერეკლე., საქართველოს საუკეთესო კალათბურთელი — ნიკოლოზ დერიუგინი // „სარბიელი“, 14 ივნისი, 1994, № 27 (102), გვ. 5.

რესურსები ინტერნეტში

• ნიკოლოზ დერიუგინი — საქართველოს ბიოგრაფიული ლექსიკონი
• ნიკოლოზ დერიუგინი — ბიოგრაფიული ლექსიკონი
• ნიკოლოზ დერიუგინი — საქართველოს ოლიმპიელთა კლუბი
• ნიკოლოზ დერიუგინი — საქართველოს ეროვნული ოლიმპიური კომიტეტი
• ნიკოლოზ დერიუგინი — ქართული სპორტი
• ნიკოლოზ დერიუგინი — მემატიანე

სქოლიო

1. სიმონიშვილი, ვაჟა. (30 აპრილი, 2019) ნიკოლოზ დერიუგინი: ჩემი სამშობლო საქართველოა, სხვაგან ცხოვრებაზე არც მიფიქრია. lelo.ge. ციტირების თარიღი: 18 იანვარი, 2022
2. სანაძე, გიორგი. (30 აპრილი, 2018) ნიკოლოზ დერიუგინს 59 წელი შეუსრულდა. lelo.ge. ციტირების თარიღი: 18 იანვარი, 2022
3. გოდუაძე, ლაშა. კარიერა ფრაზებში: ნიკოლოზ დერიუგინი. mygoals.ge. ციტირების თარიღი: 11 თებერვალი, 2022
4. საქართველოს 10 საუკეთესო // „ლელო“, 29 დეკემბერი, 1982, № 249 (7310), გვ. 1.
5. 10 საუკეთესო // „ლელო“, 31 დეკემბერი, 1983, № 250 (7561), გვ. 1.