ოუს მთები
| ოუს მთები | |
|---|---|
| |
| კოორდინატები: 39°51′ ჩ. გ. 141°05′ ა. გ. / 39.85250° ჩ. გ. 141.083° ა. გ. | |
| ქვეყანა |  იაპონია
|
| უმაღლესი წერტილი | ივატე |
| სიმაღლე | 2038 მ |
| სიგრძე | 500 კმ |
| სიგანე | 35 კმ |
  | |
ოუს მთები (იაპონ. 奥羽山脈) — ქედი იაპონიაში, კუნძულ ჰონსიუს ჩრდილო-აღმოსავლეთ ნაწილში. სიგრძე დაახლოებით 500 კმ, სიგანე დაახლოებით 35 კმ. მაქსიმალური სიმაღლე 2038 მ (ვულკანი ივატე).[1] ძირითადად აგებულია ნეოგენური და პალეოგენური ასაკის გრანიტებით, გნაისებითა და დანალექი ქანებით. ქედის სიმაღლე ძლიერ არის შეცვლილი ნასუს ვულკანური ზონით. ჩრდილოეთიდან სამხრეთისაკენ განლაგებულია ვულკანური კონუსების 7 ჯგუფი: ჰაკოდა, ივატე, სუგავა, ფუნაგატა, ზაო, აზუმა და ბანდაი. ოუს მთები მნიშვნელოვანი კლიმატური ზღუდეა: მისი აღმოსავლეთი კალთები განიცდის ზაფხულის, ხოლო დასავლეთი კალთები — ზამთრის მუსონის გავლენას. განვითარებული ფართოფოთლოვანი ტყე, 500–700 მ-ზე მაღლა მთის ტაიგაა.[1]
რესურსები ინტერნეტში
[რედაქტირება | წყაროს რედაქტირება]- ოუს მთები — სტატია ენციკლოპედია ბრიტანიკიდან (ინგლისური)
სქოლიო
[რედაქტირება | წყაროს რედაქტირება]- ↑ 1.0 1.1 Ōu Mountains | Encyclopedia Nipponica www.kotobank.jp