სარგასუმისებრნი (ლათ. Sargassaceae) — ზღვის წაბლა წყალმცენარეების ოჯახი ფუკუსისნაირთა რიგისა. მათი თალუსი ბუჩქისებრია, სიგრძე 1-2 მეტრს აღწევს (ზოგისა 10 მ-საც). ოოგონიუმებში თითო-თითო კვერცხუჯრედია. 6 გვარი აერთიანებს 150-ზე მეტ სახეობას (ყველაზე დიდი გვარია სარგასუმი), რომლებიც გავრცელებული არიან თბილ ზღვებში. ატლანტის ოკეანის დასავლეთ ნაწილში (სარგასოს ზღვა) დატივტივებენ სარგასუმის უზარმაზარი გროვები, რომლებიც ერთ დროს მოსწყვეტია სუბსტრატს. აქ ისინი ვეგეტატიურად მრავლდებიან. იყენებენ ალგინატების მისაღებად.
