სერანია-დელ-პერიხა
| სერანია-დელ-პერიხა | |
|---|---|
| |
| კოორდინატები: 10°00′59″ ჩ. გ. 72°57′28″ დ. გ. / 10.01639° ჩ. გ. 72.95778° დ. გ. | |
| ქვეყანა |  ვენესუელა
|
| უმაღლესი წერტილი | სერო-დე-ლას-ტეტასი |
| სიმაღლე | 3630 მ |
| სიგრძე | 310 კმ |
  | |
სერანია-დელ-პერიხა, სიერა-დე-პერიხა (ესპ. Serranía del Perijá) — ქედი ანდებში, ვენესუელასა და კოლუმბიას შორის. სიგრძე 310 კმ. შეიცავს მთის მასივებს მოტილონესს, ვალიედუპარს, პერიხასა და ოკას. წარმოადგენს მარაკაიობოს აუზისა და მდინარე სეზარის წყალგამყოფს. დასავლეთით აღმართულია საკმაოდ მაღალი სიერა-ნევადა-დე-სანტა-მარტას ქედი, აღმოსავლეთით კი გაშლილია მარაკაიბოს ვრცელი დაბლობი.
ქედი იწყება კოლუმბიაში, ადგილ ოკანასთან, საიდანაც გრძელდება ჩრდილოეთური მიმართულებით, სადაც თანდათანობით გადადის გუახირის უდაბნოში. სიმაღლე 3630 მ-მდე (სერო-დე-ლას-ტეტასი). მნიშვნელოვანი მთებია: კეპო-ირაპა (3540 მ), სერანია-დე-მაკუირა (864 მ) და სერო-ასეიტე (853 მ). სერანია-დელ-პერიხის ქედის 58% მოქცეულია ვენესუელის ფარგლებში, დანარჩენი 42% კოლუმბიაშია.[1] აგებულია მეტამორფული და დანალექი ქანებით. ფერდობებზე ტყეებია.
გაბატონებულია ნოტიო ტროპიკული კლიმატი. კალთებზე იზრდება ყავა და ყაყაჩო.
რესურსები ინტერნეტში
[რედაქტირება | წყაროს რედაქტირება]- სერანია-დელ-პერიხა — სტატია ენციკლოპედია ბრიტანიკიდან (ინგლისური)
სქოლიო
[რედაქტირება | წყაროს რედაქტირება]- ↑ Peakbagger Perija-Guajira