ღამის ბელგრადი
სერბეთი განლაგებულია ევროპის ორი გეოგრაფიული და კულტურული რეგიონის შეერთების ადგილას. ეს არის ცენტრალური ევროპა (შუა დუნაის დაბლობი) და სამხრეთ-აღმოსავლეთი ევროპა (ბალკანეთის ნახევარკუნძული).[1]
ლანდშაფტები და კულტურულ-ისტორიული ძეგლები, სპა-კურორტები, სანადირო და სათევზაო ადგილები ქმნის სერბეთის ტურისტულ იერსახეს. საერთაშორისო ავტომაგისტრალები და რკინიგზები, რომლებიც სერბეთის ტერიტორიაზე გადის, აერთებს დასავლეთ და ცენტრალურ ევროპას საბერძნეთთან, თურქეთთან, ახლო აღმოსავლეთთან, აზიასა და აფრიკასთან. ასევე ამ ქვეყანაზე გადის საჰაერო დერეფანი, რომელიც აერთებს დასავლეთსა და აღმოსავლეთს, ჩრდილოეთსა და სამხრეთს.
