ჰელესა (კინორომანი)

„ჰელესა“
ანუ ელი ელობდა, მელი მელობდა, ზღვა ფოფინობდა...
„ჰელესა“, ყდა, 2012
ავტორი	მიხო მოსულიშვილი
რედაქტორი	თამარ გელოვანი
გარეკანის მხატვარი	ნიკო ფიროსმანი
ქვეყანა	საქართველო
ენა	ქართული
თემა	ლაზების ცხოვრება
ჟანრი	რომანი
გამომცემელი	„უსტარი“
გამოცემის თარიღი	2012
ქართულად გამოიცა	2012, 21 მაისი
გვერდი	296
წინამორბედი	ვაჟა-ფშაველა, 2011
მომდევნო	დიდი ძუ დათვი, 2013
ISBN	978-9941-9261-1-2

ჰელესა, ანუ ელი ელობდა, მელი მელობდა, ზღვა ფოფინობდა... (ლაზური საზღვაო კინორომანი, წარმოდგენილი ფელუკა „კირბიშის“ ბოლო მოგზაურობის ქრონიკებად, ანდა, თუ გნებავთ, ლაზი მხატვრის, ჰასან ჰელიმიშის გაცოცხლებულ ნახატებად) — ქართველი მწერლის, მიხო მოსულიშვილის კინორომანი ლაზების ცხოვრებაზე.

კინორომანის იდეა

საქართველოში სამკურნალო მცენარეებისა და მათი გამოყენების შესახებ, ანტიკური ხანის სხვა ავტორებთან ერთად, აპოლონიოს როდოსელიც წერდა თავის „არგონავტიკაში“. ისიც ცნობილია, რომ კოლხეთის დაბლობზე გაშენებული ყოფილა „ჰეკატეს ბაღი“ (ძვ.წ. 650 წ.), რომელშიც ორმოცზე მეტი სამკურნალო მცენარე მოჰყავდათ. თავად სიტყვა „მედიცინა“ მომდინარეობს მეფე აიეტის ქალიშვილის, მკურნალი მედეას სახელიდან...

უძველესი ქართული ხალხური მედიცინის წიაღში მკურნალთა არაერთი საგვარეულო შტო იშვა, რომლებაც შექმნეს თავიანთი წამლები. ამის მაგალითია: „თურმანიძის მალამო“; ასკურავების მოტეხილობის მკურნალობა უთაბაშიროდ, მსუბუქი გადახვევითა და მალამოთი; ბერულავების მოტეხილობის საგვარეულო მალამო; ნაჭყებიების წამალი...

მოკლე შინაარსი

მეი კირბიშის სიყვარულის გამოყენებით იაშარ ბადიში ცდილობს გაიგოს კირბიშების გვარის საიდუმლო წამლის დამზადების წესი, რომ ეს რეცეპტი მდიდარ უცხოელებს, ჰელენ მეიერს და ალფრედ ანთოპულოსს მიჰყიდოს.

პერსონაჟები

• ფოკა კირბიში — „პაპუ“ (ლაზურად, პაპა), 60 წლისა, ცალფეხა.
• მეი — ფოკას ქალიშვილი პირველ, გარდაცვლილ ცოლთან, ნადიესთან, 20 წლისა.
• უჩა — მეტსახელად „მშირიდონი“ (ლაზურად, მერცხალი), ფოკას შვილი, 10 წლისა.
• მერიემ-ხავანა — ფოკა კირბიშის ცოლი, უჩას დედა, მეის დედინაცვალი, 55 წლისა, ჯინჯი (ლაზურად, მკითხავი).
• ალფრედ ანთოპულოსისი — 60 წლისა, ბიზნესმენი ვან-კუვერიდან.
• ჰელენ მეიერი — 65 წლისა, ალფრედ ანთოპულოსის ცოლი, უყვარს თოჯინა კლაბაუტერმანი.
• იაშარ ბადიში — 25 წლისა, აქვს საკუთარი პანტონებიანი ნავი, სახელად „მცურავი კუნძული“.
• სებასტიან რადუ (მაფარველიში) — მეთევზე ლაზების სოფელ ლაზუდან, რომელიც მდებარეობს საპორტო ქალაქ კონსტანცას სამხრეთით.
• ილფან შიშმანიში — თურქული სანაპიროს საგუშაგო კატარღის მეთაური.
• ხატიჯე შიშმანიში – ილფანის დედა, 70 წლისა.

მითოლოგიური არქეტიპი

„ჰელესას“ თანამედროვე ამბის მითოლოგიურ არქეტიპს წარმოადგენს ოქროს საწმისის ლეგენდა და მკითხველი იოლად ახდენს რომანის პერსონაჟების იდენტიფიცირებას: მედეა - მეი, აიეტი - ფოკა კირბიში, აფსირტე - უჩა, იასონი - იაშარ ბადიში.

რომანის ჯილდო

ეფექტიანი მარკეტინგის კონფერენციის ჯილდოს ვერცხლის პრიზის სერტიფიკატი გამომცემლობა „უსტარს“ მიხო მოსულიშვილის რომანისათვის „ჰელესა“, 27 აგვისტო, 2012, პორტლენდი, ორეგონი, აშშ

• 27 აგვისტო, 2012 — ვერცხლის პრიზი^[1] გამომცემლობა "უსტარს"^[2] კინორომანისათვის “ჰელესა” (სინოპსისით) ეფექტიანი მარკეტინგის ჯილდოს კონფერენციაზე (The Summit Marketing Effectiveness Award^[3]) ნომინაციაში: “მცირე ბიუჯეტი”, პორტლენდი, ორეგონი, აშშ.
• ლიტერატურული პრემია „საბას“ 2013 წლის ნომინანტი^[4].

რომანის გამოცემები

• 2012 წ. — გამომცემლობა „უსტარი“^[5]
• 2013 წ. — ლიგ.გეს ელექტრონული წიგნები^[6]
• 2013 წ. — „საბა“ ელექტრონული წიგნების სახლი^[7]

რესურსები ინტერნეტში

• „ჰელესა“
• Helessa
• Helessa (Trailer of movie novel)

სქოლიო

1. The Summit International Awards (SIA)
2. SUMMIT MARKETING EFFECTIVENESS AWARD. დაარქივებულია ორიგინალიდან — 2015-02-21. ციტირების თარიღი: 2015-01-21.
3. დაარქივებული ასლი. დაარქივებულია ორიგინალიდან — 2012-10-20. ციტირების თარიღი: 2012-09-16.
4. ჰელესა, "საბას" 2013 წლის ნომინანტები
5. Mixo Mosulišvili (21 May, 2012), Helessa (Helessa Or​ Eli Elobda, Meli Melobda, Zgva Popinobda… რედ.), Tbilisi, Georgia: Ustari Publishing, http://openlibrary.org/books/OL25319895M/Helessa_Or​_Eli_Elobda_Meli_Melobda_Zgva_Popinobda…
6. ჰელესა
7. https://saba.com.ge/books/details/561