Idoma (á̱niet)
Idoma ba yet nwap ja ji̱ lan shyia̱ di̱ fam a̱tak jenshyung Si̱tet Benuwe, ma̱ a̱byin Naijeriya, a̱wot ji̱ ka mbyia̱ susot bi̱n mi̱ Si̱tet Kirosi̱riva, Si̱tet Inugu, Si̱tet Kogi a mbeang Si̱tet Na̱sa̱rawa mi̱ Naijeriya.[1] Á̱ tung á̱ si̱ sak a̱lyem Idoma ka da̱ a̱basot lilyem Akweya kikya ka̱ shyia̱ tafa lilyem Idomoid hu ku shyia̱ tafa sa lilyem Volta–Nija hu ku byia̱ lilyem nang Igede, Alago, Agatu, A̱tulo, Ete ma̱ng Yala a̱ni mi̱ sí̱tet Benuwe, Na̱sa̱rawa, Kogi ma̱ng fam A̱za Ki̱rosi̱riva. A̱basot lilyem Akweya ka si̱ byia̱ a̱meanh ma̱ng a̱basot lilyem Yatye-Akpa ka meang. A̱gba̱ndang kap a̱byin wu shyia̱ mami-mami a̱byin jija, di̱ fam a̱tak A̱ghyui Benuwe hu, kilomita 72 naat di̱ fam a̱tyin neet di̱ tyan ji nang ka̱ ku mun ma̱ng A̱ghyui Nija ka a̱ni.