Marie-Olive Lembe di Sita (Marie-Olive Dembe Kabila), me butuka na kilumbu ya 29 Yuli 1976 na Kailo, na mbaza ya Maniema (République Démocratique du Congo), yandi kele muntu ya lukumu ya Kongo. Yandi kele nkento ya mutu yina bawu me bokila Joseph Kabila, ntwadisi ya nsi ya ntama ya Répiblik Démocratique du Congo.
Marie Olive Lembe me butuka na kilumbu ya makumi zole n'a yivua, na ya Kailo na mbaza ya Maniema,. yandi kele mwana ya nketo ya Barnabé Sita Kinsumbu, yina me butuka na Bas-Congo, mpi Léonie Kasembe Okomba yina me butuka na mpi na Maniema. kumbu ya tata na yandi kele, Sita Kinsumbu, ya nkangu ya ba Yombe mpi mama na yandi kele na kumbu ya Kasembe Okomba ya nkangu ya ba Anamongo.
Banda na mvula ya 1982 tii na mvula ya 1987, Olive Lembe vuandaka kulonguka na nzo-nkanda ya Mushindi mpi banda na mvula na ya 1987 tii na mvula ya 1992 yandi vuandaka kulonguka na Institut to na ecole yina ba me bokila Maendeleo ya Goma.
Mama ti bana ya babakala, Jean-Paul ti Thierry, kwendaka na Belgique ti Adam. Olive me bikala na insi, na nima ya kumanisa nzo-nkanda na yandi na Goma, samu na kulanda kusala mumbongo na yandi ya bima ya bilanga na Kivu.
andi kutanaka tnaJoseph Kabila ntangu yandi vandaka mfumu ya basoda ya République Démocratique du Congo. Na mvu la2001, yandi butaka mwana ya nkento, Sifa Kabila, yina bakaka zina ya mama ya prezida Kabila, Sifa Mahanya.
Na kilumbu ya 1 Yuni 2006, na nima ya bansangu mingi ya makwela yina episikopo ya Katolika ya Kinshasa basisaka, Cardinal Frédéric Etsou-Nzabi-Bamungwabi, mfumu ya nzo ya bantu mpi ambasadere Théo Mugalu zabisaka makwela ya Lembe di Sita ti prezida Joseph Kabila.
Nkinsi ya makwela salamaka na kilumbu ya 17 Yuni 2006 na nzo ya mfumu ya Gombe na Kinshasa. Sambu prezida Kabila vandaka muntu ya Misioni mpi nkento na yandi vandaka muntu ya Katolika, nkinsi ya makwela vandaka ya kuvukisa bantu, ti cardinal Etsou, mpi Monseigneur Pierre Marini Bodho, yina vandaka pastere mpi prezida ya Dibundu ya Kristu na Congo, yina vukisaka mabundu mingi ya Misioni na insi. Kansi, yo vandaka cardinal Etsou yina vandaka na mukumba ya nene.
Na kilumbu ya 18 Septembri 2008, yandi butaka mwana ya bakala, zina na yandi Laurent-Désiré Kabila na clinique Ngaliema.
Yandi kele ntwadisi ya kimvuka mosi (ONG) Initiative Plus OLK, to Initiative Plus Olive Lembe Kabange, kimvuka mosi ya ke salaka na nsi ya luyalu ya Kongo yina ke salaka na bimvuka mingi, mu mbandu na malongi, na mavimpi, na madia, na banzo ya bantu mpi na bisalu ya kusadisa bantu. Na mvu 2014, Olive Lembe Kabila yantikaka kisalu ya kutunga banzo-nkanda ya teknolozi, ya ba izine mpi ya bisalu ya maboko.
Na Yuni 2020, yandi yantikaka kutunga balupitalu. Lupitalu ya ntete, ya bo ke bingaka Centre hospitalier Initiative Plus (CHIP), kele na commune ya N'sele na Kinshasa, na mbanza Maman-Olive-Lembe-Kabila. Na kilumbu ya 30 Yuni 2022, Marie-Olive Lembe Kabila kangulaka lupitalu ya zole, Centre hospitalier Initiative Plus (CHIP), na commune ya Gombe, na kati-kati ya mbanza ya Kinshasa[1].
Script error: No such module "Catégorisation badges".Script error: No such module "Suivi des biographies".