Ламеттер

Ламеттер
Ламет
Бүкіл халықтың саны
20 000
Ең көп таралған аймақтар
Лаос
Тілдері
ламет тілі
Діні
дәстүрлі нанымдар

Ламеттер — Лаос аумағында тұратын халық.^[1] Олардың саны, кейбір мәліметтер бойынша, шамамен 20 мың адамға жетеді.^[2]

Тілі

Олар аустроазиялық отбасының мон-кхмер тобына жататын ламет, лемет немесе кха ламет тілінде сөйлейді.^[3]

Діні

Сенушілердің діни байланысы: дәстүрлі нанымдар.^[4]

Кәсібі

Негізгі кәсіптері қолмен атқарылатын ауыл шаруашылығы (күріш, таро, ямс, тәтті картоп, жүгері, асқабақ, бұрыш, банан, манго, цитрус жемістері). Сонымен қатар аңшылық (найзамен, арбалетпен және қақпанмен), балық аулау және терушілік. Бамбук, ротан, пальма жапырақтарынан тоқу. Ламеттер құрал-саймандар, киім-кешек және керамика алу үшін лаостармен және тайлармен сауда жасайды. Кейбір Ламеттер жалдамалы жұмыс істейді.^[5]

Өмір салты

Қауымды сайланбалы староста басқарады. Бай қоғам мүшелерінің қабаты пайда болды. Беделді байлық — буйволдар мен қола барабандар болып есептеледі. Неке матрилокалды, туыстық қатынас патрилинейлік.

Дәстүрлі баспаналары

Тұрғын үйлері қадаларда бамбуктан жасалған, сабанмен немесе пальма жапырақтарымен жабылған, бір немесе екі верандасы бар. Елді мекенде 15-ке жуық үй бар.^[6]

Дәстүрлі киімдері

Әйелдер киімі тігілмеген белдемше мен ашық жемпірден, ерлер киімі күрте мен шалбардан тұрады. Ерлер мен әйелдер сәлде киіп, әшекейлер тағады. Ерлер беттеріне татуировка жасайды, өрнек солтүстік және оңтүстік ламеттер арасында ерекшеленеді.^[7]

Дәстүрлі тағамдары

Тағамның негізі - жабысқақ күріш, пісірілген ет жейді.^[8]

Дереккөздер

1. Қазіргі заман энциклопедиясы. Тексерілді, 13 қыркүйек 2024.
2. Ламет. Тексерілді, 13 қыркүйек 2024.
3. Чеснов Я.В. Ламет. Тексерілді, 13 қыркүйек 2024.
4. Қазіргі заман энциклопедиясы. Тексерілді, 13 қыркүйек 2024.
5. Ламет. Тексерілді, 13 қыркүйек 2024.
6. Әлем халықтары/ Ламет. Тексерілді, 13 қыркүйек 2024.
7. Ламеттер. Тексерілді, 13 қыркүйек 2024.
8. Ламеттер. Тексерілді, 13 қыркүйек 2024.