Қамшыбек Бейсенбайұлы Қоңқабаев

Марапаттар
	Бокс
Олимпиада ойындары
Әлем чемпионаты
Азия чемпионаты
Мемлекеттік марапаттар Құрмет ордені

Қамшыбек Қоңқабаев
	Қамшыбек Қоңқабаев
Жалпы мағлұмат
Азаматтығы	Қазақстан
Туған күні	18 қараша 1991 (32 жас)
Туған жері	Қызылорда
Тұрғылықты жері	Алматы, Қазақстан
Салмағы	91 келіден жоғары
Тұрысы	Оң жақты тұрыс (солақай)
Бойы	190 см
Бапкері	Ғалымжан Байгундиев
Команда	Astana Arlans
Рейтингтері
Үздік позициясы	44-ші орын BoxRec рейтингісі бойынша
Кәсіби карьерасы
Алғашқы айқасы	23 тамыз 2020 жыл
Соңғы айқасы	27 ақпан 2021 жыл
Айқастар саны	3
Жеңгендер саны	3
Нокаутпен жеңгені	3
Жеңілгендер саны	0
Тең түскендері	0
Әуесқой карьерасы
Айқастар саны	76
Жеңгені	57
Нокаутпен жеңгені	6
Жеңілгені	19
Тең түскендері	0
Кәсіпқой карьерасы
Айқастар саны	6
Жеңгені	4
Нокаутпен жеңгені	1
Жеңілгені	2
Тең түскендері	0
	Қызметтік тізімі (boxrec)

Қамшыбек Қоңқабаев (1991 жылы 18 қарашада дүниеге келген, Қызылорда) — қазақстандық кәсіпқой және әуесқой боксшы. Бокстан әлем чемпионатының күміс жүлдегері. Бірінші ауыр салмақ дәрежесінде өнер көрсетеді. Қазақстанның еңбек сіңірген спорт шебері, 2020 жылғы Олимпиада ойындарының қола жүлдегері, Әлем чемпионатының екі дүркін күміс жүлдегері (2017, 2019), Азия чемпионатының үш дүркін күміс жүлдегері (2017, 2019, 2021), Дүниежүзілік әскери ойындарының күміс жүлдегері (2015), әскери қызметшілер арасындағы әлем чемпионы (2014), Болгарияда халықаралық турнирдің жеңімпазы (2015), ҚР спартакиадасының чемпионы (2015), әуесқойларда ұлттық біріншіліктің чемпионы және жүлдегері.

Кәсіби кәсіпқойлар арасында , WBO Asia Pacific (2021 жылдан бастап) бойынша 1-ші ауыр салмақта Азия-Тынық мұхиты аймағының қазіргі чемпионы.

2020 жылдың желтоқсанындағы жағдай бойынша BoxRec рейтингісіндегі ең жақсы позициясы 44-ші орында және бірінші ауыр салмақ дәрежесіндегі қазақстандық боксшылар арасында бірінші - бүкіл әлемнің бірінші ауыр салмағындағы үздік боксшылардың ТОП 45-ке кіреді.

Өмірбаяны

Қамшыбек 1991 жылы 18 қарашада Қызылорда қаласында дүниеге келген. 1998-2009 жылдары аралығында №197 қазақ орта мектепті бітірді. 2010-2011 жылдары Алматыда ҚР Қорғаныс министрлігі әскерінің орталық спорттық клубында әскери борышын өтеді. Қорқыт ата атындағы Қызылорда мемлекеттік университетінде «Құқықтану» және «Дене шынықтыру және спорт» мамандықтары бойынша білім алды. Бала кезінен спортқа қызығушылығы ерекше Қамшыбекті боксқа ағасы Асқар Қоңқабаев жетелеп алып барған. Ол бокспен 9 сыныптан бастап айналысады (алғашқы жаттықтырушысы - Сейтжан Төкенов ). Содан бері тынбай еңбектенген спортшы бүгінде Қазақстанның еңбек сіңірген спорт шебері, көптеген республикалық турнирлердің жеңімпазы, Қарулы күштер арасында Әлем чемпионы, ҚР IV жазғы спартакиадасының жеңімпазы, Оңтүстік Кореяда өткен қарулы күштер арасындағы Бүкіләлемдік спорт ойындарында екінші сатыдан көрінген және Ташкент қаласында өткен Азия чемпионатының, сол сияқты Германияда өткен әлем чемпионатының күміс жүлдесін иеленген.^[1] Ауыр салмақта (91 келіден жоғары) өнер көрсетеді. Ол Қазақстан ұлттық құрамасының (және оның капитаны) және ЦСКА штатының мүшесі , жарыстарда Қазақстан Республикасы Қарулы Күштерінің бояуын қорғайды. Қызылорданың «Тарлан» бокс орталығында Қазақстан Республикасының еңбек сіңірген жаттықтырушысы Ғалымжан Байгундиев (басқа жаттықтырушылар - Жамил Джусупов пен Қанат Қизатов) жетекшілігімен жаттығады.

Мансабы

Әуесқойлық мансап

Әлем чемпионатының нәтижелері

Гамбург 2017

16 Раунд: Макс Келлер (Германия) 5-0 жеңді
Ширек Финал: Баходир Жалолов (Өзбекстан) 3-2 жеңді
Жартылай Финал: Фоку Арсен (Камерун) 5-0 жеңді
Финал: Магомедрасул Маджидов (Әзірбайжан) 4-1 жеңілді

Екатеринбург 2019

16 Раунд: Аюба Гадфуды (Испания) КО жеңді
Ширек финал: Нельви Тиафактың (Германия) 5-0 жеңді
Жартылай Финал: Юстис Хуни (Австралия) W/O жеңді
Финал: Баходир Джалолов (Өзбекстан) 5-0 жеңілді

Жазғы Олимипада ойындары Токио 2020

Аса ауыр салмақта (91 келіден жоғары) өнер көрсететін қазақстандық боксшы Қамшыбек Қоңқабаев Олимпиада ойындарының ширек финалына жолдама алды. 1/8 финалда ол мысырлық боксшы Eсри Мостафаны 5:0 есебімен жеңді. Қазақ боксшысы үш раунд бойы қарсыласынан бір бас жоғары өнер көрсетті. Төрешілер де әр раундта ұпайды Қамшыбек Қоңқабаевқа берген.^[2]

Ал ширек финалда ресей боксшысы Иван Верясовпен кездесті. Бірінші раундты Қоңқабаев сәтті өткізді. Төрешілер жеңісті бір ауыздан берді. Екінші раундты да қазақстандық спортшы бақылауында ұстады. Үшінші раундтта ресейлік боксшы тәуекелге барып, алға ұмтылды. Алайда қазақ боксшысының қорғанысын бұза алмады. Есеп – 4:1. Отандасымыз жартылай финалда Ричард Торреспен (АҚШ) кездеседі. Бұл кездесуде жеңілген боксшы қола жүлдені алмақ.^[3]^[4]

Америкалық боксшымен айқастың алғашқы раундында Қамшыбек шегіне жүріп айқасты. Жекелеген соққылары өткенімен, раунд соңына қарай өзі де соққы өткізіп алды. Бірінші раундтың қорытындысы бойынша төрт төреші жеңісті Торреске берді. Екінші раунда америкалыққа Қамшыбектен ауыр соққылары тиді. Әйтсе де раунд соңында Қамшыбек ногдаунға түсіп қалды. Екінші раундтың қорытындысы бойынша Торреске барлық төрешілер ұпай берді. Үшінші раундта Қамшыбек Қоңқабаев ауыр соққы алып, жекпе-жек уақытынан бұрын аяқталды.^[5] Осылайша, Қоңқабаев Токио Олимпиадасының қола жүлдесін иеленді.^[6]

Кәсіби мансап

2020 жылдың 23 тамызында ол бірінші ауыр салмақта кәсіпқой дебют жасап, тәжірибелі отандасы Иса Ақбербаевты (20-1) 2-раундта техникалық нокаутпен бірден жеңді. Спортшының айтуынша, ол Токио Олимпиадасына дайындалу үшін бірнеше жекпе-жек өткізуге шешім қабылдады және МТК Қазақстанмен келісімшартқа отырды.

2021 жылы 27 ақпанда , ол өзінің кәсіпқой 3-ші жекпе-жегінде мерзімінен бұрын, 6-раундтан кейін жекпе-жекті жалғастырудан бас тартып, тәжірибелі өзбек Сервер Эмурлаевті (23-1) жеңіп, бос Азия чемпионы атағын жеңіп алды.

Кәсіби жекпе-жек статистикасы

Жекпе-жек саны	Нәтиже	Есеп	Қарсылас	Тип	Раунд, уақыты	Күні	Болған жер	Ескертпе
3	Жеңіс	3–0	Сервер Эмурлаев (23-1)	RTD	6 (10), 3:00	27 ақпан 2021	М. Тынышпаев атындағы Қазақ көлік және коммуникациялар академиясы, Алматы, Қазақстан	WBO Asia Pacific нұсқасы бойынша 1 ауыр салмақта Азия-Тынық мұхиты аймағының бос чемпионы атағын жеңіп алды. Есеп: 60-54 (үш рет).
2	Жеңіс	2–0	Сергей Радченко (7-6)	RTD	4 (8), 3:00	18 желтоқсан 2020	М. Тынышпаев атындағы Қазақ көлік және коммуникациялар академиясы, Алматы, Қазақстан	Радченко 4-ші раундта нокдаунға түсті. Есеп: 40-35 (үш рет).
1	Жеңіс	1–0	Иса Ақбербаев (20-1)	TKO	2 (8), 2:24	23 тамыз 2020	М. Тынышпаев атындағы Қазақ көлік және коммуникациялар академиясы, Алматы, Қазақстан	Кәсіби дебюті.

Марапаттары

«Құрмет» ордені (2021 жылғы 13 тамыз)^[7]

Дереккөздер

Сыртқы сілтемелер

Kamshybek Kunkabayev BoxRec ID (ағыл.)
Профилі Olympics.com сайтында Мұрағатталған 29 шілденің 2021 жылы. (ағыл.)
Қамшыбек Қоңқабаев Олимпиада ойындарындағы соңғы жаңалықтар
Қамшыбек Қоңқабаев Ағылшынша Уикипедияда

[1] Қамшыбек Қоңқабаев биография Мұрағатталған 11 тамыздың 2022 жылы.

[2] Токио-2020: Қамшыбек Қоңқабаев мысырлық қарсыласын жеңіп, ширек финалға шықты

[3] Қола қолда: Қамшыбек Қоңқабаев Олимпиаданың алтын жүлдесіне таласпақ

[4] Қамшыбек Қоңқабаев: Бар күшімді келесі жекпе-жекке жұмсаймын

[5] Токио-2020: Қамшыбек Қоңқабаев ел қоржынына қола медаль салды

[6] Қамшыбек Қоңқабаев жартылай финалда жеңіліп, қола медаль иеленді

[7] Қазақстан Республикасының мемлекеттік наградаларымен наградтау туралы

[1]

[2]

[3]

[4]

[5]

[6]

[7]