Баутин

Ауыл
Баутин
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Маңғыстау
Ауданы	Түпқараған
Ауылдық округі	Баутин
Тарихы мен географиясы
Координаттары	44°32′32″ с. е. 50°16′27″ ш. б. / 44.542329° с. е. 50.274040° ш. б. / 44.542329; 50.274040 ^(G) ^(O) ^(Я)Координаттар: 44°32′32″ с. е. 50°16′27″ ш. б. / 44.542329° с. е. 50.274040° ш. б. / 44.542329; 50.274040 ^(G) ^(O) ^(Я)
Құрылған уақыты	1847
Бұрынғы атаулары	Николаевский
Ауыл статусы	2013[1]
Жер аумағы	11,044 км²
Уақыт белдеуі	UTC+5:00
Тұрғындары
Тұрғыны	▼3903 адам (2021)
Этнохороним	Баутиндік, Баутиндіктер
Сандық идентификаторлары
Телефон коды	+7 72938
Пошта индексі	130502
Автомобиль коды	12
Баутин картада Баутин Баутин
Баутин шекарасы

Баутин — Маңғыстау облысы Түпқараған ауданындағы ауыл, Баутин ауылдық округі орталығы.

Географиялық орны

Аудан орталығы – Форт-Шевченко қаласынан солтүстікке қарай 6 км-дей жерде, Каспий теңізі жағасында орналасқан^[2].

Тарихы

1849 жылы Николаевск станицасы ретінде құрылған. 1922 жылы Маңғыстау уезінің екінші партия конференциясының өкімімен А.Е.Баутиннің есімімен ауыстырылды^[3].

Халқы

1979	1989	1999	2009	2021[4]
4743	▼4462	▼3737	▲4344	▼3903

Өнеркәсібі

Баутин Қазақстандағы ірі балық өнеркәсібі орталықтарының бірі. Мұнда балық және итбалық аулау базасы, балық консервілеу зауыты, кеме жөндеу кәсіпорны жұмыс істейді. Зауыттың балық консервілеу, балық ұнын дайындау цехтары, итбалық терісін өңдеу, балықты бұқтыру, қаңылтыр қалбырын жасау өндірістері бар. Көлік және тұрмыс қажетін өтеу кәсіпорындары жұмыс істейді.

Транспорты

Баутин тұрғындары облыс орталығы – Ақтау және Форт-Шевченко қалаларымен автомобиль жолы арқылы, Атырау, Астрахан қалаларымен теңіз жолы арқылы қатынасады.

Инфраструктурасы

Ауылда 1 мектеп- лицейі, 1 мектеп-гимназиясы /қазақша және орысша/, Маңғыстау политехникалық колледжінің филиалы, 2 балабақша, 2 дәрігерлік амбулатория, 2 кітапхана, пошта бөлімшесі, 6 қонақ үй, кафе-бар, 26 сауда нүктесі, 2 шаштараз, 3 балаларға арналған ойын алаңы, телефон станциясы, су тұщытатын қондырғы орналасқан. Ауылда көптеген шетелдік, отандық компаниялар жұмыс жасайды.

Көрікті орындары

Баутин ауылы өзінің тарихи мұраларымен танымал. Мысалы төменгі және жоғарғы маяктар (1863 жыл), теңізагенттігі, «Меркурий» солтүстік–кавказ компаниясы (1887 жыл), А.Е.Баутинге қойылған ескерткіш (1927 жыл), Әліби Жангелдинге қойылған ескерткіш тақта (1978 жыл), балық шаруашылығын алғашқы ұйымдастырушы Дубский Захар Кузмичтің тұрған үйі (1913 жыл).

Дереккөздер

1. Түпқараған ауданының Баутин поселкесін "ауыл" санатына жатқызу туралы
2. «Батыс Қазақстан облысы» энциклопедиясы, Алматы, 2002;
3. Баутин ауылы Мұрағатталған 3 шілденің 2017 жылы.
4. 2021 жылғы ұлттық халық санағының қорытындылары