Евстафий Алкивиадович Пехлеваниди

Евстафий Пехлеваниди
Жалпы мағлұмат
Толық аты	Евстафий Алкивиадович Пехлеваниди
Туған күні	30 қазан 1960 (1960-10-30) (63 жас)
Туған жері	КСРО Шымкент
Азаматтығы	КСРО
Позиция	шабуылшы
Клуб жайлы ақпарат
Клуб	карьерасын аяқтаған
Клуб карьерасы[* 1] 1977—1979 Металлург (Шымкент) 50 (44) 1980—1990 Қайрат 273 (94) 1989 Мелиоратор (Шымкент) 8 (2) 1990—1993 Левадиакос 35 (15)
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
Бұл үлгіні: көру • талқылау • өңдеу

Евстафий Алкивиадович Пехлеваниди (гр. Ευστάθιος Πεχλιβανίδης); 30 қазан 1960^[1], Шымкент, Қазақ КСР-і) — Кеңес Одағының футболшысы, грек ұлтынан.

Өмірбаяны

Әкесі Алкивиад Пехлеваниди де футболшы, 1940 жылдары Тбилисидің "Динамосында" ойнаған. 1949 жылы оның отбасы Қазақстанға көшіп өткен. 

Спорттық карьерасын 1977 жылы "Металлург" (Шымкент) командасында бастаған. 1979 жылы 28 гол соғып, мергендігімен көзге түсті де, "Қайратқа" ауысты. 1986 жылы 3 қыркүйекте Киевтің "Динамосымен" өткен кездесуде 10-секундта Виктор Чанов қорғаған қақпаға гол соғып, есеп ашты да, КСРО чемпионаттары тарихындағы ең жылдам голдың авторы атанды^[2].

"Қайрат" сапындағы ең мерген футболшылардың бірі болды. Голдарының көбін айып добынан соғатын. 1987 жылы 10 мамырда Алматыда Ленинградтың "Зенитімен" болған матчта 89-минутта айып добын дәл орындап, матч тағдырын шешті. "Қайрат" жоғары лигада 226 матч өткізіп, 69 гол соққан. Бұл "Қайраттың" Кеңес кезіндегі шабуылшыларының арасындағы рекордтық көрсеткіш.

"Қайрат" сапында 1989 жылдың ортасына дейін ойнап, "Мелиораторға" (Шымкент) ауысты. 1989 жылы "Қайрат" сапында не-бары 5 гол ғана соқты. Соңғы голын 21 маусымда "Кубань" қақпасына соқты (бұл ойында "Қайрат" 4:1 есебімен жеңіске жетті). "Қайрат" сапындағы соңғы ойынын 4 тамызда "Ростсельмашқа" қарсы өткізіп, 61-минутқа дейін ойнады да, орнына Вахид Масудов шықты.

19 күннен соң "Мелиоратор" сапында "Актюбинецке" қарсы ойында алаңға шықты. 10 қазанда КСРО чемпионатындағы соңғы ойынын "Востокқа" қарсы өткізді. Бұл ойында Пехлеваниди бір гол соқты.

Бір жылдан соң, 1990 жылы туыстарымен бірге Грекияға кетті. 1993 жылға дейін "Левадиакос" сапында ойнап, карьерасын аяқтады.

Жетістіктері

Жеке

• КСРО спорт шебері
• 1984 жылғы КСРО-ның үздік 33 футболшыларының бірі.

Командалық

• КСРО футбол федерациясы кубогының иегері: 1988.
• КСРО бірінші лигасының чемпионы: 1983

Дереккөздер

1. https://www.transfermarkt.com/transfermarkt/profil/spieler/502103
2. http://www.kff.kz/6009 Мұрағатталған 1 желтоқсанның 2010 жылы.

Сілтемелер

• Рехагель Грекияның Бердыевы