Еуразия бірінші арнасы

«Еуразия» бірінші арнасы
	«Еуразия» бірінші арнасы
	«Еуразия + ОРТ» ЖШС
Ел	Қазақстан
Хабар тарату аумағы	Қазақстан; Қырғызстан; Өзбекстан; Түрікменстан; Тәжікстан
Хабар тарату уақыты	тәулік бойы
Хабар тарату тілдері	қазақша, орысша
Басқару орталығы	Алматы қ., Республика алаңы, 13 ; Астана қ., Қонаев көшесі, 4 «Қазмедиа орталығы» (2012 жылдан бастап)
Бейне форматы	4:3 (1997—2015); 16:9 (2015 жылдан бастап)
Арнаның тақырыптамалары	әмбебап
Хабар таратуын бастады	қазан 1997 жыл (тіркелген уақыты) ; 10 қараша 1997 жыл (хабар тарата бастады)
Алмасқан арна	ОРТ (мазмұны); РТР (жиілігі)
Аудитория үлесі	19,29% (1-орын, мамыр 2024, K Research Central Asia)
Иесі	«Телевизия жаңалықтары агенттігі» ЖШС («Қазақстан» РТРК» АҚ) — 80% ; «Первый канал» АҚ — 20%
Бас директоры	Арман Құдайбергенов (м.а.)
Бұрынғы атаулары	ОРТ Қазақстан (1997—2002)
Туыстас арналар	Первый канал
Сайт	1tv.kz
Қолжетімділік
Эфир
Спутник
ҚазСат-3	11
OTAU TV
Кабелдік
Алма-ТВ, Қайнар-ТВ	4
Digital TV	3
ICON

Басқа мағыналар үшін Бірінші арна деген бетті қараңыз.

«Еуразия» бірінші арнасы (орыс. Первый канал Евразия) — 1997 жылы құрылған Қазақстандағы телеарна. Мазмұны Ресейдің "Первый канал" телеарнасының бағдарламалары мен қазақ, орыс тілдерінде өзі шығаратын бағдарламалардан тұрады.

Тарихы

«Еуразия» бірінші арнасы 1997 жылдың қазан айында «ОРТ Қазақстан» деген атаумен құрылды.^[4] Телеарна ресейлік «ОРТ» (Общественное российское телевидение) арнасының орнын басты.

2002 жылы қыркүйекте «ОРТ» телеарнасының атауы ресми түрде «Первый канал» болып өзгертілді. Соның ізімен «ОРТ Қазақстан» телеарнасы «Первый канал Евразия» болып ауысты.^[5]

Бастапқы кезде тек «Первый канал» (бұрынғы «ОРТ») арнасының бағдарламаларына ретрансляция жасап, ресейлік жарнама уақытын қазақстандық жарнама ауыстырып отырды. Кейін эфирге Қазақстанда жасалған бағдарламалар да шыға бастады. Қазіргі уақытта арнадағы Ресейден сатып алынатын бағдарламалар үлесі 20%-дан аз мөлшерді құрайды. Олардың ішінде фильмдер және телехикаялар, ойын-сауық бағыттағы шоулар бар.^[6]